banner 728x90

PNTL sei la husik líder OAM-AR fase liman ho krime públiku

banner 120x600
54 Views

G-NEWS (DILI) – Relasiona ho konflitus entre membru Organizasaun Arte Marsiais no Arte Rituais sira ne’ebé hala’o provokasaun iha sosiedade nia leet, hodi estraga uma komunidade no perturba ordem públiku, Komandu-Jerál PNTL sei foti medidas regirozu hasoru líder Arte Marsiais no Arte Rituais.

Segundu Komandante-Jerál PNTL Komisáriu Pedro Pedro, ba Jornalista sira, Segunda-Feira (21082023) hato’o lia-hirak ne’e, iha sede suku Vila-Verde, Dili.

banner 325x300

“Ohin Hau mai iha ne’e atu Ami hare hamutuk oinsa atu hari Postu Polisia ida ba komunidade hodi fó seguransa ba sira atu moris hakmatek tanba hodi kalan ema na’in ida hetan kanek tanba hetan ta, no komunidade nia uma barak estragus tanba hetan tuda no komunidade balu evakua husi sira nia hela fatin no vítima balun oras ne’e hamutuk iha ne’e no agora sira atu koalia ba malu tanba ne’e maka ami mai atu hare sasan hirak ne’e hotu”, Komisáriu Pedro Belo esplika.

Komisáriu Pedro Belo husu ba líder arte marsiais (PSHT no Kera Sakti) no Arte Rituais Sete-Sete atu kontrola nia membru sira ho didiak, nune’e evita envolve iha krime públiku.

“La iha, sira na’in tolu sei simu mós responsabilidade. Ami sei la husik sira nia líder sira lao tun lao sae fase liman. Se sira brani ona halo rejistu iha CRAM, se sira agora brani ona Governu legaliza ona, sira mós iha responsabilidade para atu hare, tau sira nia estrutura sira, tau sira nia ho ema halo didiak”, Pedro Belo ko’alia ho lian makaas.

Komisáriu Pedro Belo ameasa taka tiha Organizasaun Arte Marsiais bainhira lider sira laresponsabilza, no konsidera krime sira ne’ebé envolve hanesan individual.

“Se haree fatin ida iha ne’ebá, organiza malu iha fatin-fatin, mai asalta bairro ida, depois halai fila fali ba bairro seluk, kuandu problema iha bairro ida, bairro seluk ba apoiu tán fali, ne’e dehan tán katak ne’e individu ka?”, haktuir Komisáriu Pedro.

Entertantu, Polisia Nasional Timor-Leste (PNTL) sei hari’i postu polisia iha aldeia Manu-Meta Raihun Suku Vila-Verde Postu Administrativu Vera-Cruz, Dili hodi responde ba konflitu ne’ebé maka akontese iha loron 20/08 ne’ebe rezulta vitima kanek no estragus ba komunidade nia uma.

Jornalista : Ekipa G-News
Editór Testu : Amito Qonusere Araújo

relavante