banner 728x90

Polísia Dili relata kazu asidente no kazu tuda mate sidadaun ida iha ponte CPLP

Imajen-Komandante-Polisia-munisipiu-Dili-Superintendente-Xefe-Orlando-Gomes.-Foto-Relasaun-Publiku-PNTL
banner 120x600
87 Views

G-NEWS (DILI) – Komandu Polísia Munisípiu Dili rejista kazu asidente trâfiku hamutuk 110 durante periódu fulan-Maiu tinan 2024. Hosi númeru ne’e, na’in-1 lakon vida, na’in-95 enfrenta kanek kmaan, no na’in-18 hetan kanek grave. no

Ba Jornalista sira, segunda-feira (03062024), iha komandu Polísia munisípiu Dili, Caicoli, Komandante Polísia Superintendente Xefe Orlando Gomes, relata kazu asidente trâfiku ne’ebé rejista iha Komandu Polísia Trânzitu munisípiu Dili.

banner 325x300

“Komandu munisípiu Dili hakarak relata de’it kona-ba kazu asidente iha fulan-Maiu hahú hosi loron 1 to’o 31, ita rejista kazu asidente hamutuk iha 110. Hosi númeru ne’e, ema na’in 1 mate, kanek kaman 95, no mós kanek todan ka kanek grave iha 18”, Superintendente Xefe Orlando Gomes esplika.

Superintendente Xefe Orlando Gomes esplika tán katak, kauza hosi asidente ne’e mak, ema, estrada, no mós ema lori kareta konsumu alkohol, no mós kondisaun kareta ka motor ladun di’ak.

Eis Komandante Unidade Espesial Polísia (UEP) ne’e haktuir tán, nia parte orienta ona polísia trânzitu munisípiu Dili, atu kontinua halo pasa revista ba transporte públiku iha tempu kalan no loron, nune’e bele halo prevensaun no hamenus númeru asidente ne’ebé as.

“Ita haree ba asidente sira ne’ebé akontese iha kapitál Dili, ita orienta ona sira Trânzitu para halo sira nia movimentu, halo kontrolu iha kapitál Dili, sira halo auto stop ou check point atu nune’e bele prevene ka evita labele hamosu asidente ne’ebé as liu”.

“Tanba ne’e mak dalaruma sira halo check point iha tempu kalan nomos tempu loron ne’e, sira kontinua halo. Sira halo check point iha tempu kalan halo barak liu tanba hodi halo prevene asidente tanba asidente ne’e dalaruma akontese iha tempu kalan barak liu”, Superintendente Xefe Orlando Gomes

Aleide ne’e, komandante ne’e mós salienta, iha sábadu kalan tuku-11 foin lalais ne’e, sidadaun na’in-ida mate hafoin, matebian ho nia kolega na’in-ida seluk hosi diresaun Beduku ba Beto liuhosi ponte CPLP, mak grupu ida tuda sira, rejulta na’in-ida mate iha fatin akontesimentu.

“Loos duni katak, iha sábadu kalan, maijumenus tuku 11 kalan, iha lezadu na’in-rua mai hosi Beduku atu ba Beto, sira mai to’o besik iha ponte CPLP, iha grupu ida ke tuda ita nia lezadu sira ne’e, ne’ebé mak monu iha fatin, no evidensia balun ne’ebé sira uza hanesan ai-balok hodi baku lezadu sira, momentu ne’e ita nia Polísia no Trânzitu tun kedan iha fatin hodi evakua vítima ba Ospitál Guido Valadares”, Superintendente Xefe Orlando Gomes.

Hafoin akontesimentu, polísia kaptura identifika no buka tuir suspeitu sira, halo kedan kapturasaun, no detein iha sela polísia durante óras-72, depois prosesa tuir dalan legal.

“Iha momentu ne’e kedas, ita buka tuir suspeitu sira ne’ebé tuda vítima ne’e, no agora dadauk suspeitu sira, ita kaptura hotu ona, ita detein iha óras 72 hodi prosesa karta aprezenta ba Ministériu Públiku”. Superintendente Xefe Orlando Gomes.

Editór Testu : Amito Qonusere Araújo

relavante