banner 728x90

Polísia Tranzitu Munisípiu Dili Sei la Tolera Kontentor Sira Ne’ebé Halo Sirkulasaun iha Tempu Loron

banner 120x600

G-NEWS (Dili)-Komando Polísia Tranzitu MunisípiuDili, aviza ba kompaña sira ne’ebé iha kontentor atu labele halo movimentu iha tempu loron  tanba Ministériu Transporte Komunikasaun no Ministériu Interior fó ona karta konjunto ba kompaña sira no halo ona sensibilizsaun  iha fulan rua ba kotuk

Kinta-Feira ne’e (16/11/2022)Komandu Polísia Tranzitu  Munisípiu Dili halo konferensia imprensa iha edefisiu Komandu Polisia Kaikoli Dili atu fó aviza ba kontentor sira hodi labele halo sirkulasaun iha tempu loron, tanba sei  implementa despaixu konjunto ne’ebé Ministériu relevante sira fó ona ba na’in kompaña sira.

banner 325x300

Tuir Komandante Tranzitu Munisípiu Dili Domingos S.Gama hateten  Polísia Tranzitu sei halo operasaun ka chek poin ba kareta pezada sira liu-liu ba kontentor sira ne’ebé sei hahu iha Segunda semana oin (21/11/2022)tuir despaixu husi Ministériu Transporte Komunikasaun no Ministériu Interior

“hakarak atu avizu ba públiku katak ita nia kompaña sira ne’ebé iha kontentor, Segunda semana oin sei la halo sirkulasaun iha tempu loron, no orienta ita bo’ot sira nia kondutor tuir sirkulasaun oráriu  renovasaun ne’e,Ida ne’e mak atu fó sai ba públiku katak liu-liu ba sira ne’ebé mak estabelese iha kapital Dili, iha Segunda-Feira semana oin ita sei la tolera sirkulasaun kontentor sira ne’ebé halo movimnetu iha tempu loron hahu husi tuku 7 dader to’o tuku 7 kalan, bainhira tama ona tuku 7 dader   implementa ona, sé kontentor sira mak halai iha tuku 7 dader ba oin to’o iha tuku 7 kalan ne’e viola regras no viola despasu konjuntu ne’ebé estabelese  ona, tanba ne’e sei implementa sansaun ba kontentor sira tuir artigu 10 kodigo estrada nian, kontentor sira ne’ebé mak viola karta konjunto ne’e sei kona multa ka sansaun  ho osan u$ 75 dolár, se karik osan 75 dolar ne’e sira konsidera kiik liu hodi kompaña sira nafatin atu viola maka ami sei avansa iha artigo 57 lei kodigo estrada nian ne’ebé selu minimo liu mak u$ 600.00 dolár mas ami sei la aplika koimas ida minimo ne’e, ami tenke avansa ho maximo u$ 3000.00 dolár” dehan nia

Komandante PolísiaTranzitu Munisípiu Dili haklean liu tan katak kompaña sira tenke iha inisiativa atu fó hatene ba kondutores kontentor sira atu labele halo sirkulasaun iha tempu loron, karik balun ne’ebé urjente bele ba iha Komando Polísia Munisípiu Dili atu halo deklarasaun ka konkordansia ruma atu bele autoriza tuir nesesidades ne’ebé iha atu nune’e komandu bele fó seguransa ba atividade refere no Komando Polísia promete sei garante seguransa 24 oras ba kontentor sira ne’ebe halo sirkulasaun iha tempu kalan

Iha okaziaun ne’e Komando Polísia Munisípiu Dili husu mós ba kondutor kontentor sira atu halo koperasaun ho Polísia sékarik iha pessoal ruma mak ho intensaun aat atu halo asaun krimi hasoru membru Polísia Tranzitu ruma maka Polísia sei la tolera no identifika kriminozu sira atu buka tuir hodi kaptura ba entrega tuir prosesu Investigasaun Kriminal, karik kriminozu sira mak halai lakon mak sei kaptura nia família, inan aman, fen ga maun atu bele responsablidade tanba farda ne’ebé uza ne’e representante estadu ho nune’e husu ba públiku respeita seguransa iha Timor-Leste.

Jornalista: Teotónio Alves Pinto

banner 325x300

relavante