banner 728x90

Possibilidade TL Hasoru Krize Kombustível Iha Semana Ne’e, ETO Fó Razaun

Foto Esploridu
banner 120x600

Jornalísta : Amar Belo //

G-RTV.com (Dili) : Akontesimentu pániku ne’ebé akontese iha loron 27 fulan Jullu iha sidade Dili konabá estasaun kombustível derrepente iha engrafamentu tambá motorista ho transporte nadodon forma hodi enxe kombustível ho razaun estasaun kombustível barak mak mamuk ona.

banner 325x300

Nune’e, liu husi rede sosiál, sidadaun balun lansa kedas informasaun katak possibilidade Timor-Leste (TL) sei hasoru krize kombostível iha semana ne’e ba oin.

Relasiona ho ida ne’e, G-RTV.com husi via-WhatsAPP konfirma direta ho na’in ba kompañia ETO nu’udár fornesedór kombustível iha Timor Leste, fó razaun katak akontese tambá fornesedór balun mak la iha ona stock kombutível maibé iha ETO oras ne’e sei iha.

‘’Stock iha hela, Kompañia fornesedór balun mak la iha ona, nune’e kliente sira nadodon mai iha ETO, tambá sei iha hela stock,’’ Dehan Na’in ba ETO, Nilton Gusmão liu husi via-WhatsAPP  ba G-RTV.com.

Iha parte seluk, diretór kompañia Aitula Fuel nu’udár estasaun kombostível ida iha Dili informa ba G-RTV.com deklara, stock mina sei bele aguenta to’o semana oin.

‘’Agora ne’e sei iha, bele to’o semana oin,’’ Informa Dany Maubere iha kuarta-feira ne’e.

Entertantu, tuir observasaun iha estasaun kobustível husi ETO nian iha Madarin no Fatuhada, iha kuarta-feira ne’e to’o tuku 22:00 kalan, karreta sei forma hodi enxe mina.

(REMATA).

 

banner 325x300

relavante