banner 728x90

PR apoiu labarik-feto sira hosi Quelicai

banner 120x600

G-NEWS (DILI) – Prezidente Repúblika, José Ramos-Horta, hasoru malu ho labarik-feto na’in rua husi Suku Macalaco, Postu Administrativu Quelicai, Munisípiu Baucau ne’ebé sira nia retratu viral iha rede sosiál Facebook iha loron 28 fulan Abril.

Xefe Estadu konsege hasoru malu ho Quintina Martins Belo ho idade 13 no Rosa Marcal Freitas ho idade tinan 10 iha inísiu fulan Maio no konsidera na’in rua hanesan labarik ne’ebé badinas buka moris.

banner 325x300

Tanba ne’e, ekipa Gabinete Sosiedade Sivíl no Apoiu Sosiál husi Prezidénsia Repúblika, desloka to’o Quelicai, hodi hare sira nia kondisaun moris.

‘’Sente orgullu tambá ne’e hanesan grasa ida ne’ebé Maromak fó ba ami, tanba bele hasoru malu ho Xefe Estadu iha Palásiu ne’ebá. Ne’e difísl mai ami maibé tanba Prezidente Repúblika nia laran-luak no domin ba nia bei-oan sira, ikus mai akontese duni” hateten Reprezentante Inan-aman husi Quintina Martins Belo no Rosa Marcal Freitas.

Quintina Martins Belo hanesan estudante klase 7 no Rosa Marçal Freitas, klase 8 husi Ensinu Báziku Filiál Macalaco.

“Xefe Estadu promote sei ajuda ami loke kios ida hodi ajuda ami ba eskola to’o universidade, no iha mehi hakarak sai Polísia. Tan ne’e ami agardese tebes ba Avô Prezidente,’’ Expressa Quintina Belo.

Prezidénsia Repúblika mos entrega nesesidade bázika ba labarik na’in rua, identifika sira nia konsisaun moris no hare espasu atu hai’I kios ba Rosa Marçal no Quintina Belo.

Jornalista      : Ekipa G-News
Editór Testu  : Amito Qonusere Araújo

relavante