banner 728x90

PR aposta ba konservasaun Dokumentu

banner 120x600

G-NEWS (DILI) – Prezidénsia Repúblika kontinua aposta ba prezervasaun dokumentu importante sira, hodi kontribui ba istória Timor-Leste nian.

“Ita lakon dadus dokumentu importante barak, ho krize ne’ebé ita hasoru, triste boot ba ita, tanba ne’e presiza sai erói foun ho inisiativa, inovativa hodi konserva dokumentu ne’ebé iha, agora la folin, tanba ita akompaña istória, prosesu imporante hotu. 50 anos, 100 anos mai, sei gasta osan barak hodi sosa ita-nia arkivu ne’ebé ema seluk halo,” deklara Adjunta Kaza Sivil, Henriqueta Maria da Silva iha enserramentu formasaun kona-ba Jestaun Arkuivu ne’ebé realiza durante semana ida iha Palásiu Nobre Lahene.

banner 325x300

Adjunta Kaza Sivíl aprezenta jestaun arkivu iha Japaun, merese sai referénsia ba Timor-Leste, atu halo konservasaun ba dokumentu.

“Aban bairua nia folin karun liu fali, iha Japaun dijitaliza buat sira hotu, joven ho kreatividade, halo kliping, hodi halo hanesan pameran, iha balun sira halo sai filme husi buat pedasuk pedasuk, ne’e sai historia únika husi dékada hira liu ba,” Tenik Henriqueta Maria.

“Ne’e Palásiu Nobre, formasaun nobre, hein implementasaun ba buat ne’ebé aprende. Husi ita nia memória, istória Timor nain, ita koñese aan mak ita dezenvolve-an, formasaun ne’e, hanesan fatór importante, atu dezenvolve ita-nia rain, liu-hosi prezerva kona-ba história,” Tenik.

Reprezentante Diretór Jerál Arkivu Nasional Timor-Leste, Fernando Sousa, mós defende importánsia konservasaun dokumentu, hodi tulun nasaun halo dezenvolvimentu.

“Arkivu nasionál Timor leste, importante ita-bo’ot sira bele entende di’ak importánsia arkivu ba ita Timor-oan. Treinamenru hanesan jestu konsiderasaun, katak arkivu ne’e importante,” Tenik Fernando Sousa.

Entretantu, formasaun durante semana ida, partisipa husi funsionáriu Prezidénsia Repúblika 37, hodi aumenta sira nia kompeténsia iha jestaun dokumentu.

Programa ne’e realiza, tanba servisu hamutuk entre Prezidénsia Repúblika ho Arkivu Nasionál Timor-Leste. Maibé, formadór sira ba formasaun ne’e hamutuk na’in 8, na’in 7 husi Arkivu Nasional Timor-Leste no ida husi Palásiu Prezidensiá.

Jornalista         : Ekipa G-News

Editór Testu     : Amito Qonusere Araújo

banner 325x300

relavante