banner 728x90

PR fó posse ba MKE 14 no KSDS 13

banner 120x600
23 Views

G-NEWS (DILI) – Prezidente Repúblika José Ramos Horta fó pose ba Membru Foun Konsellu Estadu (MKE) hamutuk na’in 14 no Konsellu Superior Defeza no Seguransa (KSDS) hamutuk na’in 13 iha Palasíu Prezidençial Bairo Pite, Dili Segunda -Feira (11-09-2023)

Konsellu Estadu hanesan orgaun konsultivu Prezidente Repúblika nian ba asuntu politiku, bazeia ba Konstituisaun RDTL artigu 90 no 91.

banner 325x300

No Konsellu Superior Defeza no Seguransa hanesan orgaun konsultivu Prezidente Repúblika nian ba asuntu defeza, seguransa no soberania, bazeia ba Konstituisaun RDTL artigu 148.

Reuniaun Konsellu Estadu no Konsellu Superior Defeza no Seguransa sei prezide husi Prezidente Republika.

Hafoin fó pose ba membru foun sira, Prezidente Republika José Ramos Horta kontinua kedas ho lidera reuniaun ba da-huluk hamutuk ho membru konsellu rua hodi ko’alia kona-ba funsaun membru sira nian bazeia ba lei no rejimentu.

Membru foun Konsellu Estadu nian hamutuk 14 mak hanesan Prezidente Parlamentu Nasional Maria Fernanda Lay, Primeiru-Ministru Kay Rala Xanana Gusmão, Eis-Prezidente Republika Taur Matan Ruak, Eis-Prezidente Republika Francisco Guterres Lú Olo.

Membru na’in lima nomeia hosi Prezidente Republika mak Abilio da Conceição de Araujo, Maria Domingas Fernandes Alves “Mikato”, Tenente-Jeneral Tito da Costa Cristovão “Lere Anan Timur”, Madre Guilhermina Marçal no Milena Pires.

Membru na’in lima seluk ne’ebé nomeia hosi Parlamentu Nasional mak Virgilio Smith “Cranek”, Jacinto Viegas Vicente “Roke”, Numinando S. Martins “Buras”, Ricardo da Costa Ribeiro no Josefa Alves Pereira Soares.

Membru foun ba Konsellu Superior Defeza no Seguransa hamutuk sanulu resin tolu mak hanesan Primeiru-Ministru, Kay Rala Xanana Gusmão, Ministru Negosius Estranjeirus no Kooperasaun Bendito dos Santos Freitas, Ministru Defeza Contra-Almirante Donaciano do Rosário Gomes, Ministru Interior Francisco da Costa Guterres, Ministru Justisa Amândio de Sá Benevides, Reprezentante Parlamentu Nasional Deputada Maria Terezinha da Silva Viegas, David Dias Ximenes “Mandati”, no Deputadu Duarte Nunes. Chefe Estado Maior Generál das F-FDTL Tenente-General Falur Rate Laek, Komandante Jerál PNTL, Komisáriu Jerál Henrique da Costa, Diretór Jeral Servisu Nasional Intelijensia Longuinhos Monteiro, Júlio Tomas Pinto no Nuno Manuel Corvelo de Andrade Sarmento (nomeia hosi Prezidente Repúblika).

Jornalista         : Asensio Belo

Editór Testu     : Amito Qonusere Araújo

relavante