banner 728x90

PR Horta Apoiu CNC Buka Tuir Labarik Lakon Iha Tempu Funu

Foto : G-RTV.com
banner 120x600

Jornalísta :  Arménio //

G-RTV.com (Dili) : Centro Nacional Chega,IP (CNC) hasoru malu dala-uluk ho Prezidente Repúblika José Ramos-Horta hafoin simu posse iha loron 20 Fulan Maiu liu bá.

banner 325x300

Iha hasoru malu ne’e, PR hato’o nia pozisaun hodi apoiu CNC atu buka tuir labarik ne’ebé lakon iha tempu funu.

“Ohin hasoru malu, ami koalia oituan konabá oinsa atu lori fila labarik sira ne’ebé lakon iha tempu funu, PR nia komentáriu pozetivu tebes ,tambá PR ne’e iha komitmentu tebes hakarak harii páz no rekonsiliasaun nu’udár parte ida husi CNC nia rekomendasaun, no Nia apoiu programa ne’e, “ Dehan Prezidente Konsellu Administrasaun CNC, Alzira Sequeira Freitas Dos Reis hafoin hasoru malu ho PR iha Palásiu Ai-tarak Laran, ohin, 30/05/2022.

Prezidente CNC ne’e reforsa tan, ” CNC aprezenta mós nia programa sira konabá dezaminasaun informasaun, sosializasaun konabá rekomendasaun bá relatóriu rua husi CAVR nian no oinsa halo advokasia inklui apoiu ba sobrivivente sira,” Dehan Nia.

To’o oras ne’e, CNC kontinua hala’o nia programa sira liu-liu iha area peskiza bá fatin istóriku sira, konservatóriu sítiu istóriku no programa interesadu sira seluk ne’ebé tuir rekomendasaun husi CAVR nian.

Hasoru malu ne’e , lidera direta husi Prezidente Konsellu Administrasaun hamutuk ho diretór ezekutivu  no xefia sira iha diresaun CNC nian.

 

(REMATA).

banner 325x300

relavante