banner 728x90

PR Horta defende vendedor “xamada ikus ba PA Dili”

banner 120x600

G-NEWS (DILI) – Xefe Estadu José Ramos Horta, foin lalais ne’e fó xamada ikus ona ba Prezidente Autoridade Munisípiu Dili Guilhermina Filomena Saldanha Ribeiro, ne’ebé autoriza ekepa Saneamentu munisípiu Dili, ne’ebé duni sai negosiante timoroan sira, ne’ebé hala’o negósiu iha dalan ninin, no tasi ibun sira iha kapitál Dili.

Xefe Estadu hato’o xamada ikus ne’e, hafoin autoridade seguransa sira, sobu barak ne’ebé komersiante sira hari’i iha dalan ninin parte Tibar nian.

banner 325x300

Xefe Estadu José Ramos Horta lakohi haree tán autoridade sira munisípiu Dili no Polísia duni komersiante sira, ne’ebé hala’o atividade iha Estrada públiku.

“Aviza dala-ida tán ba Prezidente munisípiu Dili, favor haree ne’e di’ak ho Governu. Ha’u lakohi haree tán munisípiu no Polísia duni komersiante sira ne’ebé faan sasan, no buka moris ne’e”, PR Horta fó xamada ikus, liuhosi entrevista ho mídia iha Palásiu Prezidénsial Bairo-Pite, Dili.

Foin lalais ne’e, autoridade seguransa munisípiu Dili nian, ne’ebé akompaña hosi Polísia halo intervensaun ba vendedor ki’ik sira ne’ebé hala’o atividade negósiu iha iha Estrada públiku sira.

To’o notísia ne’e fó sai, G-News seidauk hetan konfirmasaun ikus hosi Prezidente Autoridade Munisípiu Dili Guilhermina Filomena Saldanha Ribeiro.

Jornalista                   : Ekipa G-News

Editór Testu             : Amito Qonusere Araújo

 

 

banner 325x300

relavante