banner 728x90

PR Horta sei husu PA-RAEOA kona-ba kazu protokolu ho jornalista

Imajen: PR José Ramos Horta
banner 120x600
516 Views

G-NEWS (RAEOA) – Prezidente Repúblika José Ramos Horta sei husu ba Prezidente Autoridade Rejiaun Administrativa Espesiál Oecusse-AMbeno (RAEOA) Rogerio Tiago Lobato, kona-ba kazu entre protokolu PA-RAEOA ho Jornalista destakadu Ajênsia TATOLI.IP iha Oecusse.

Prezidente Repúblika hato’o lia-hirak ne’e, ba jornalista sira, iha Eskola Sekundária Katólika Padiae, suku Lalisuk Sub-Rejiaun Pante Makasar, RAEOA, kuarta-feira (05062024) ne’e.

banner 325x300

Xefe Estadu ne’e esklarese, nia parte sei husu ba autoridade RAEOA kona-ba ne’e. Tuir Xefe Estadu ne’e katak, serimónia asinatura akordu ba estabelesimentu muzeum Pais-Timor iha Oecusse hanesan buat simples, laos buat ida komplikadu.

Protokolu PA-RAEOA rasta monu jornalista TATOLI no tenta atu tuku tán

“Ha’u sei husu loloos ba autoridade RAEOA, tanba sá mak ne’e akontese. Iha serimónia asinatura buat simples, laos buat ida komplikadu. Sala ne’e luan boot loos”, PR José Ramos Horta, ko’alia ba Jornalista sira.

Antigu Jornalista ne’e esklarese katak, iha fatin hotu-hotu, Estadu sempre fó fatin no espasu ba mídia sira atu halo atividade Jornalizmu nian, no fatin ne’ebé lójiku nune’e jornalista bele foti imajen ho livre.

“Iha fatin hotu-hotu, ita sempre buka fó fatin ba mídia, fatin ne’ebé loloos iha lójiku para mídia foka ba akontesimentu ne’e, bele tau sira nia kâmera avontade, sira bele hamriik avontade”. PR Ramos Horta.

Prezidente Repúblika José Ramos Horta sei la atrapalla servisu jurnalizmu a não ser iha konfidénsial ka privadu ne’ebé la presiza atu públiku hatene.

“Bainbain, loloos, kuandu halo serimónia, tenke sees oin ba audiensia, sees oin ba mídia, laos sees kotuk ka sees sorin. Buat sira ne’e tenke trata antes kedas”.

“Ne’e duni, ha’u la hatene saida mak akontese loos. Ho ha’u karik, hatene ka lae, ita boot sira protokolu faz-favor tur lai hemu kafé ida ba jornalista sira, servisu avontade, nunka atrapalla mídia a não ser ke iha fatin ruma ema hakarak ko’alia konfidénsial ka privadu”, Xefe Estadu hakotu nia entrevista ho Jornalista sira.

TLPU sei kontesta PA-RAEOA, husu demite protokolu Aquito

Entertantu, Organizasaun Jornalista Timor Leste Press Union (TLPU) sei hato’o karta kontestasaun ba Prezidente Autoridade Rejiaun Administrativa Espesiál Oecusse-Ambeno  (RAEOA) Rogerio Tiago Lobato, iha kinta-feira (06062024) aban, kona-ba kazu protokolu PA-RAEOA Aquito Roxaca Guterres ne’ebé rasta monu Jornalista destakadu Ajênsia Notisiozu TATOLI.IP Abilio Elo Nini, bainhira hala’o kobertura ba serimónia RAEOA ho TIMOR AID ne’ebé selebra akordu ba estabelesimentu muzeum Pais-Timor iha Oecusse.

Karta kontestasaun hasoru Prezidente PA-RAEOA tanba konsidera, protokolu PA-RAEOA Aquito Roxaca Guterres kontra makaas artigu 41 Lei Komunikasaun Sosiál kona-ba atentadu ba liberdade informasaun.

Sekretáriu-Jerál Timor Leste Press Union (TLPU) Zezito da Silva, ba G-NEWS, kuarta-feira (05062024) husu ba protokolu PA-RAEOA Aquito atu respeita liberdade imprensa, sein impedimentu ba servisu jornalista.

Editór Testu: Amito Qonusere Araújo

relavante