banner 728x90

PR vizita família vítima kazu inséndiu iha merkadu Taibesi

banner 120x600
27 Views

G-News (DILI) – Família 54 ho membru atus hat resin mak hamaan-an iha Edifísiu Veteranu iha Taibessi, hafoin ahi-han Merkadu Taibessi iha Kinta-Feira (22/12) kalan.

Prezidente Republika, José Ramos-Horta iha loron natal (25/12) vizita vítima sira no husu ba PNTL atu halo investigasaun ba motivu husi insidente ne’e.

banner 325x300

“Ohin ha’u mai haré hanesan informal de’it, konfiansa ké autoridade governu, Bombeirus, PNTL sira halo dadaun ona investigasaun, tenki hatene loloos, tanba sá mak ne’e akontese? tanba provoka vítima, maibé ha’u kontente, haré apoiu lalais kedas husi Prezidénsia, Prezidente Munisipiu, Sekretáriu Estadu (protesaun sivil),” hateten PR Horta.

Xefe Estadu husu mos ba governu atu reabilita Merkadu Taibessi ho apoiu husi doadór balun, hodi bele konstrui merkadu moderna, iha seguransa no hijiene.

“Ha’u hanoin ba oin governu tenki haree didi’ak, halo merkadu ida boot liután karik, ho kondisaun di’ak liután, ne’e ha’u hanoin hanesan prioridade ida governu devia tau, tanba ne’e signifika ema rihun ba rihun sira-nia empregu, sira-nia moris, entaun ita tenki buka haré halo investimentu ida ba merkadu ida di’ak, modernu ho kondisaun saúde, tanba fatin ne’e ita hateten, ema lubuk ida mak hetan moris iha ne’e, sira La’ós dezempregadu,” tenki Xefe Estadu.

Sekretáriu Estadu Protesaun Sivil, Joaquim Gusmão koolabora ona ho Autoridade Munisipiu Díli hodi infentifika vítima sira, nune’e bele distribui apoiu emerjénsia.

“Ita identifika família vendedores sira hamutuk hotu família 54, ho totál komunidade sira 400, ita besik 500 mak iha ne’e. Protesaun Sivíl nia papél kuandu akontese dezastre tenki hetan kedas apoiu emerjénsia. Apoiu emerjénsia ne’e, mak ai-han no la’ós ai-han tasak. Iha kazu ida-ne’e, ai-han tasak sei prepara husi Autoridade Munisípiu Díli mak prepara ba ita-nia komunidade sira,” hateten Sekretáriu Estadu Protesaun Sivil.

Maibé, governante ne’e deklara katak, sei la distribui materiál konstrusaun ba vítima sira, tanba merkadu taibessi hanesan edifisiu publiku.

“Agora ita haree to’ok halo nusá mak bele ba oin, tanba merkadu ne’e edifísiu públiku la’ós rezidénsia, tanba ne’e hanesan mós kazu iha Merkadu Comoro, Merkadu Manleuana, Merkadu Maubisse nian, ita labele fó apoiu material konstrusaun, tanba ida-ne’e ita entrega fila-fali bá jestaun merkadu mak sei hare,” tenik governante ne’e.

Governu fo ona orás 72 ba vitima sira, atu buka hela fatin, tanba vitima balun iha rezidénsia iha Díli no exekutivu mos apela ba vendedor sira katak, merkadu hanesan edifísiu públiku no labele hela permanente iha estabelesimentu laran.

Vizita Xefe Estadu bá merkadu Taibesi akompaña husi Prezidente Autoridade Munisípiu Díli, Dirijente husi Prezidente Autoridade Protesaun Sivíl no Segundu Komandante Polísia Munisípiu Díli.

Editór Textu: Amito Qonusere Araújo

relavante