banner 728x90

Presiza letra braille iha buletim votu ba ema ho defisiensia matan

banner 120x600
11 Views

G-NEWS (DILI) – Iha formasaun kona-ba Kobertura Eleitóral ba Jornalista hosi Rádiu Komunidade no Mídia Nasionál sira, ne’ebé realiza entre ABC Australia ho Konsellu Imprensa Timor Leste, iha Salaun City-8 Manleu, Dili, Jornalista sira ho defisiensia, husu ba Órgaun Eleitóral sira, atu kria kondisaun dignu ba ema ho defisiensia sira, ne’ebé partisipa iha eleisaun Parlamentár tinan ne’e.

Jornalista Rádiu Komunidade Defisiensia Timor Leste (RKDTL) Sandra Julia Maia Ga husu ba Autoridade eleitóral atu kria asebilidade ba ema ho defisiensia iha prosesu eleisaun.

banner 325x300

“CNE no STAE presiza tau letra braille iha buletim de votus ba ema defisiensia matan, tanba família ne’ebé akompanha ema ho defisiensia matan atu vota, tuir Nia hakarak, maibé família ne’ebé akompanha hatudu ka vota fali tuir nia hakarak”, Sandra preokupa.

“Ne’e dalabarak sempre akontese. Iha tinan kotuk, família ne’ebé lori nia ba vota partidu ketak, defisiensia matan ne’e partidu ketak,

Hatan ba ne’e, Xefe Gabinete Prezidente Komisaun Nasioná Eleisaun (CNE_sigla Portugés) Evangelino de Jesus Fátima rekonhese kondisaun sentru votasaun sira ne’ebé utiliza eskola no sede suku sira.

“Ita nia sentru votasaun sira iha territóriu laran tomak ne’e uza eskola, sede suku, maiória seidauk priense rekejitus ba asebilidade”, Formador CNE ne’e hateten.

Enkuantu CNE esforsu kona-ba kriasaun letra braille ba ema ho defisiensia sira iha buletim de votu, maibé la konsege realiza tanba alterasaun lei eleitóral la promulga hosi Xefe Estadu.

” Ami esforsu makaas atu kria letra braille ba buletim votus ba defisiensia matan, maibé alterasaun lei la passa, tanba Prezidente Repúblika la promulga. Ba oin ami sei esforsu atu fó tratamentu dignu ba ema ho defisiensia sira iha futuru”, Evangelino hakotu.

Jornalista     : Ekipa G-News
Editór Testu : Amito Qonusere Araújo

relavante