banner 728x90

Primeira-vez timoroan ida nia aviaun to’o ona Dili

banner 120x600
65 Views

G-NEWS (DILI) – Segunda-Feira (20032023), iha tuku-9 dáder, Povu Timor Leste orgullu no konkista tanba hetan ona aviaun komersial ida.

Aviaun ne’e to’o iha Aeroportu Internasionál Prezidente Nicolau Lobato (AIPNL) Comoro Dili, simu ho rega, ne’ebé prepara hosi Ekipa Bombeirus Timor Leste. Sidadaun sira ne’ebé simu aviaun A320 Air Timor, simu ho ksolok, kontente, no balun tenke hosik nia mataween habokon rai kuandu besi asu mutin Timor nian ne’e to’o nia rai Lafaek ne’e.

banner 325x300

Antes besi-asu mutin ne’e halai makas iha rai nia leten, semo iha kalohan okos, iha foho nia tutun, hodi semo lemo-lemo haleu Mundu, tenke hetan uluk bensaun lulik hosi Padre sira nu’udar fiar Igreja Katólika Romana ninian.

Hafoin aviaun Air Timor hetan bensaun, iha Aeroportu Internasionál Nicolau Lobato, Comoro Dili, Prezidente Repúblika José Ramos Horta agradese ba timoroan ida ne’ebé iha mehi hodi realiza.

“Ita nu’udar ema, ita mehi, balun mehi loron-loron, mehi atu halo ida ne’e, mehi atu halo ida ne’ebá, maibé la halo, mehi deit, la buat ida. Balun mehi no buka, kaer metin, realiza mehi ne’e, Lourenço Ataúro”, hateten PR Horta iha ninia diskursu.

Xefe Estadu Horta afirma tan, títulu Liurai Ataúro merese atu aplika ba Lourenço.

“Uluk tinan ruma liu ba, Ha’u halo vídeo ida ho grupu ida iha Ámerika, Ha’u deklara, Ha’u Rei Ataúro. Rei ba Reinu sira iha Ataúro, maibé títulu Rei ne’e pertense duni ba Lourenço Ataúro”,

Prezidente Repúblika José Ramos Horta Governu atu diskute assuntu ida ne’e.

“Ha’u hanesan dezafía, Ha’u nia kolega, amigu, Doútor Fidelis Magalhães, lori ba Governu, lori ba senhor Primeiru Ministru, maske Ha’u hatene, la-fosse Lei permite imi atu, povu Timor halo buat ruma ka lae, Hau hanoin buat ruma karik, manan votus imi halo karik Ha’u la hatene, ida ne’e Ha’u la hatene manan votus ka lae?”, JRH koalia.

Aviaun ho marka A320 Air Timor, sei hala’o nia operasaun ho rute Dili, Timor Leste ba Denpasar, Bali Indonézia.

Jornalista     : Ekipa G-News
Editór Testu : Amito Qonusere Araújo

relavante