banner 728x90

Promessa Rogerio Lobato : Utiliza Passaporte Timor Bele Ba Servisu Iha Europa

Rogerio Lobato // Foto : esploridu
banner 120x600

Jornalista : Amar Belo //

G-RTV.Com (Dili) : Kandidatu Prezidente Repúblika períodu 2022-2027 ho númeiru sorteu 4, Rogerio Tiago Lobato, promete ba juventude sira wainhira fó fiar nia iha Eleisaun Prezidensiál (ELPREZ) tinan ne’e, Sei lori Prezidente Englaterra mai no utiliza passaporte Timor Leste ba servisu iha Europa (Englatera).

banner 325x300

Afirmasaun ne’e hato’o iha kampaña ho tipu diálogu iha Timor Lodge, Comoro (Dili), loron 13/02/2022, iha ne’ebé hasoru apoiante kuaze ema na’in 50 resin.

Fundadór FALINTIL ne’e hatutan tan, reseita da-ruak kofre estadu  timor leste nian mak juventude sira ne’ebé serbisu iha rai liur hafoin primeiru reseita, diversifikasaun ekonomia mina no gas

“Reseita kofre estadu timor leste nian, mai husi ita nia juventude sira ne’ebé serbisu iha rai liur hanesan serbisu fokit manu-fulun, serbisu fábrika iha Englaterra, irlandia norte, súl Korea, no Austrália, osan sira haruka mai sira nia família ho valór 30 milliaun dollares kada tinan, ne’e sakrafísiu juventude sira nia ne’ebé iha rai liur,”, Hateten Rogério Lobato.

 

Tamba ne’e nia husu atu hakruk no fó atensaun ba sira hodi tau embaixada ba fatin sira ne’e atu tau matan bá sira tambá sira ba ho passaporte português maibé kaer mós ho pasaporte timor leste nian .

‘’Ita nia parlamentu lolós ne’e foti reprezentante juventude sira iha rai liur, hodi tuir iha parlamentu hanesan deputadu ida para sira defende ba intrese iha rai liur tamba sira mak koñese sira nia problema iha rai liur, labele foti ema ida iha timor sai reprezentante fali ba sira tamba ema ne’e la koñese realidade iha rai liur’’. Tenik Nia.

Tuir Nia, Statístika hatudu katak, sira graduadu ne’ebé iha sertifikadu, kada tinan rihun lima, tama iha merkadu traballu timor nian, dalaruma laiha no investedor husi rai liur mai halai fila hotu.

Eis-Ministru Interior 2002-2006 hateten, wainhira povu fó fiar sai prezidente eleitu mak sei haforsa estadu, hamatin ekonomia, tane-ás kultura no identidade nasionál no moderniza F-FDTL no PNTL. (REMATA)

 

 

 

banner 325x300

relavante