banner 728x90

Prova hatudu Deputadu PN la iha étika

banner 120x600
57 Views

G-NEWS (DILI) – sosiedade Timoroan tomak halo krítika makas hasoru deputadu sira iha Parlamentu Nasionál, hafoin hatudu liman no se hirus matan atu baku malu, maibé asaun ne’e la konsege tanba hetan intervensaun hosi deputadu balun.

Asaun ne’e akontese tanba ideia sira la kona malu bainhira diskute kona-ba povu nia vída.

banner 325x300

Estudante ida hosi UNTL Luis de Jesus Ximenes informa ba G-News tersa-feira (16012024) esplika, asaun ne’ebé deputadu sira halo iha uma fukun Parlamentu Nasionál hatudu sira la iha étika, tanba la respeita órgaun soberanu ida.

Nia argumenta, kuandu diferensia ideias hodi hamosu problema tanba defende interese povu nian, liu-liu problema sosiál ne’ebé sidadaun enfrenta ne’e iha válor, maibé defende interese pesoal no interese grupu nian, ne’e hatudu la iha sentidu nasionalismu no patriotismu.

“Ha’u hanoin, deputadu sira iha Parlamentu Nasionál la iha étika, tanba la hatudu ezemplu di’ak ba povu, liu-liu jerasaun foun sira atu banati tuir”, nia esplika.

“Kuandu sira defende povu nia interese, ha’u hanoin ida ne’e di’ak, mais sira defende fali ema ida nia interese, ka grupu partidu nian, ha’u hanoin ne’e hatudu imajen ida-ke la di’ak, tanba la edukasaun jerasuan sira tuir mai”, estudante akadémiku ne’e kondena makaas aktus hosi deputadu sira nian.

Iha parte seluk, Alumni UNPAZ Teofilio Lemos informa, deputadu sira tenke sai reprejentante povu, no labele defende interese pesoal ka grupu hodi estraga distiñu povo nian.

“Señor deputadu sira labele sai fali opozisaun ba povu, labele haree de’it povu nia sofrimentu, hodi defende fali pesoal ida ka grupu seluk nia interese, ida ne’e la di’ak, ne’e hatudu katak sira la iha Espiritu nasionalismu”, Teofilo haktuir ba G-News.

“Sira nia asaun ne’e, Ha’u bele empresta lia-fuan ida nune’e, iha tenpu luta, povu mak éroi, maibé tenpu ukun an, traidor sira sai fali éroi. Tanba ne’e deputadu sira tenke halo reflesaun mkaas, labele lori fali interese uma nian ba órgaun estadu ida, ne’e labele tolera. ita enfrenta problema barak kona-ba edukasau no saúde, tuir loloos sira tenke diskute ida ne’e, tun ba halo fiskalizasaun, laos konta istória funu nian”, nia hakotu.

Editór Testu    : Amito Qonusere Araújo

relavante