banner 728x90

Referendu 1999: Milísia duni jornalista ho katana nakonu ran masakre

Imajen: Suzana Cardoso
banner 120x600
3 Views

G-NEWS (DILI) – Bainhira Mundu konsentra ba problema Timor nian tanba ho publikasaun notísia sira ne’ebé jornalista internasionál no jornalista nasionál sira fó sai, hanesan ameasa ida mós, tanba milísia sira ne’ebé hetan apoia hosi autoridade seguransa Indonézia sempre hasai lia-fuan Jornalista timoroan sira hanesan GPK (Gerakan Pengacau Keamanan).

Maske situasaun seguransa iha referendu 1999 namanas, tanba pró-autónomia no pró-independênsia hahú hala’o kampaña ba integrasaun no Independênsia nian.

banner 325x300

Suzana Cardoso, Jornalista hosi Diáriu Suara Timor Timur (STT) konta ninia observasaun ba situasaun seguransa iha Referendu 1999, bainhira hala’o kobertura.

Situasaun iha Konsulta popular dezde inisiu hahú demonstrasaun hosi iha Universitas Timor-Timur to’o halo palku livre hodi halo sosialiazasaun ba konsulta popular. Maibé iha kampañe klaran mosu demonstrasaun tandingan hosi próautónomia no ikus mai mosu milísia hodi kria krime boot iha Timor Lorosa’e. No ami sempre halo kobertura tuir duni atividade ne’ebé hala’o iha Timor to’o loron referendum”, Suzana Cardoso konta tuir. 

Nu’udar ema umana sempre tauk, maibé nu’udar Jornalista sente ne’e notisia ne’ebé maka tenke ba halo kobertura maske dala barak iha situasaun ameasa nia laran. Pró-Autónomia dala barak bolu Jornalista sira GPK (Gerakan Pengacau Keamanan). Maibé Jornalista timoroan sira hala’o atividade jurnalistika ho hamnasa tanba sira mak sai lian ba lian laek sira.

“Hau senti kontenti kuandu ha’u nia notisia tama Head Line”  iha halaman satu no aban hanesan jornal ema sosa hotu. Bainhira ba fali halo kobertura iha kolega ativista Pró-Independênsia iha Dewan Solidaritas sempre hetan gava ne’e no sira bangga ha’u nia prezensa. ami hanesan liu rai ba kolega sira ne’e nia leet ida ne’e maka habrani ami liutan atu ba halo kobertura maske iha situasaun defisil”, Suzana haktuir.     

Maske hala’o atividade Jurnalismu, maibé iha espíritu luta ba Independênsia metin nafatin iha fuan. Ho sira nia espíritu luta nian, jornalista sira tenke sai vítima tanba tenke halo aprezentasaun ba autoridade seguransa Indonézia nian hafoin sira nia entrevista sira.

Iha tempu barak senti ameasadu tanba laos de’it nu’udar jornalista maibé mós nu’udar ativista ne’ebé ba halo demonstrasaun entaun ema barak maka ameasa ami. To’o wajib lapor iha korem tanba de’it intervista ho Maun Boot Xanana iha Cipinang no seluk-seluktan.

Memória ida ne’ebé Suzana Cardoso nunka atu haluha iha ninia istória ba atividade jurnalistika ninian mak hala’o kobertura ba masakre Likisa, no milísia sira oho família Manuel Carascalão nian iha Dili.

Asiste akontesementu oho rejiadu hosi Likisa mai Manuel Carascalao nia uma. Maske la tama direta ba laran. Maibé ha’u rona ema hakilar husu ajuda, labarik kiik tanis, runggu-rangga akontese, maizu menus oras 2 nunee. Sai mai ho katana ne’ebé nakonu ho ran, ho milisia sira nia oin ne’ebé atu hanesan tua lanu maibé ne’e karik raan maka lanu sira hodi duni ha’u . Sira lori katana ne’ebé sei nakonu ho ran duni ha’u. To’o ha’u fila isin malirin kedas tanba trauma ho situasaun ne’e. Maibé liu fali aban nune’e halai sai hosi uma para ba halo kobertura hodi haruka ba jornal iha rai liur”, Suzana hakotu.

Jornalista       : Ekipa G-News

Editór testu   : Amito Qonusere Araújo

relavante