banner 728x250

Reflete Husi Taur, Espoza Hakarak Hakbesik-Án Ba Povu Bainhira Eleita

Foto : Ekipa G-RTV.com
banner 120x600

Jornalísta : Amar Belo //

G-RTV.Com (Dili) : Kandidata prezidente repúblika, Isabel Da Costa Ferreira hala’o nia kampaña ba loron 5 iha munisípiu Dili ho típu mini-kampaña.

banner 325x300

Iha diálogu ne’e, espoza atuál Primeiru Ministru, Taur Matan Ruak, hateten Timor ukun-án tinan 20 ona maibé povu nafatin hakilar ba moris di’ák.

“Ita akompaña situasaun hafoin restaurasaun indepedénsia, ita kontinua hakilar ba moris di’ák no falta tinan haat atu kompleta hanesan luta ba ukun Rasik-án maibé ita sei nafatin koalia Konabá liberta povu “ hateten Isabél, liu husi mini-kampaña iha kampu bintang, Bidau (Dili), Domingo ohin, 06/03/2022.

Kandidatu ho númeru sorteiu 1 ne’e, hatutan, liberta povu hanesan slogan Ida atu tinan lima-lima, mai lohi povu dehan Ita mak di’ák liu atu liberta povu, maibé hafoin tinan lima povu halerik nafatin.

Tamba ne’e, Nia kandidata-án atu sai prezidente ida besik família, komunidade, ema mukit , kbi’it la’ék, ema desfavoresidu, la barik no joven sira, ema lian laiha, Grupu  no organizasaun sosiedade sivíl atu nune’e fó solusaun ba problema Sira ne’e.

Antes ne’e, iha planu ne’ebé hanesan ho Taur Matan Ruak nu’udár laen husi Isabel ne’ebé sai mós prezidente repúblika iha períodu 2012-2017, iha ne’ebé, nia haleu suku hotu ne’ebé ezisté iha territóriu nasionál hodi rona sira nia preokupasaun konabá saida mak povu presija iha baze.

Entretantu iha mini-kampaña ne’e, hetan partisipasaun husi komunidade no observadór mai husi CNE, OIPAS, PDHJ inklui hetan seguransa husi PNTL. (REMATA).

banner 325x300

relavante