banner 728x90

Reprezentante Nasaun Liur Hahu Tama TL, Aban Prezidente Portugal Sei To’o Mai

Delegasaun hahu tun husi aviasaun // Foto : G-RTV.com
banner 120x600
27 Views

Jornalísta : Arménio //

G-RTV.com (Dili) : Alta entidade ne’ebé reprezenta nasaun no organizasaun internasionál hahu tama mai Timor Leste (TL) hodi partisipa iha eventu investuradu prezidente RDTL foun, José Ramos-Horta no komemorasaun tinan 20 Restaurasaun independénsia nian.

banner 325x300

Tuir observasaun G-RTV.com iha Aeroportu Internasionál Nicolau Lobato, Comoro, nota katak delegasaun ne’ebé mai ho aviaun Citilink iha óras 11:00 resin kuaze ema na’in 50 resin ne’ebé kompostu husi nasaun Singapura, Japaun inklui prezidente organizasaun G7+.

Iha Aeroportu, delegasaun hirak ne’e simu direta husi Ministru Edukasaun, Juventude no desportu, Armindo Maia no Ministru Obras Públika, Abél Pires.

Iha fatin refere, tuir G-RTV.com, protokolu ne’ebé estabele husi Ministériu Negósiu Estranzéiru la’o ho rápidu inklui Seguransa PNTL ne’ebé assegura VVIP ho máximu.

Tuir oráriu, atuál Prezidente Repúblika Portugál, Sei to’o mai iha Timor Leste, aban (Kinta-Feira), óras tuku 6 dadér inklui mós reprezentante especial husi nasaun balun.

(Remata).   

 

relavante