banner 728x90

Rezeita harii Partidu foun, Isabél Ruak iha possibilidade avansa bá kandidatu PR.

Espoza atuál PM Taúr Matan Ruak, Isabél Da Costa Fereira Ruak // Foto : esploridu.
banner 120x600
49 Views

G-RTV.Com (Dili): Hafoin publikasaun notísia husi média G-RTV.news ho nia títulu : ‘’ ESPOZA PRIMEIRU MINISTRU SEI HARII PARTIDU FOUN NO KOMPETE BÁ ELPR 2022-2027’’, iha loron 27/07, óras 10:22, ÓTL, hetan kedas reasaun husi Movimentu Juventude Mileniál (MJM) hanesan movimentu ida ne’ebé halibur hamutuk apoiu Dra. Isabél Da Costa Fereira (Espoza atuál PM) nia disponibilidade atu kandidata-an bá Prezidente Repúblika (PR) Tinan 2022-2027.

 

banner 325x300

Tuir deklarasaun husi porta-vóz MJM katak deskorda ho notísia husi G-RTV.com konabá espoza atuál PM sei harii partidu foun.

‘’Ami rezeita (La loos) ho notísia konabá harii partidu foun, maibé dadaun ne’e MJM halo hela aproximasaun ho Dra. Isabél da Costa Fereira Ruak, atu husu nia kandidatura ba Eleisaun PR tinan 2022’’. Hateten Dr. Juvêncio Amarál, nu’udár porta-vós MJM iha sentru Quesadhip Ruak, kolmera, tersa ne’e.

Notísia ne’ebé rezeita husi parte MJM konabá  Espoza PM sei harii partidu foun

 

Fontes ne’e esplika liu tan, sei husu Isabél Ruak atu kandidata-an bá Prezidente Repúblika Demokrátika Timor Leste (RDTL) , la’ós mai husi partidu maibé kandidata-an hanesan indipendente.

‘’ MJM husu nia (Isabél Ruak) kandidatura atu bá Eleisaun PR, maibé la’ós liu husi partidu polítiku, pronunsia hanesan kandidatu independente’’. Konfirma fontes.

 

Bainhira hatan konabá iha possibilidade atu fundadora fundasaun Quesadhip ne’e hatan ba pedidu MJM atu lori nia bá kandidatu PR, Juvêncio infoma, %99,9 iha possibilidade.

’Seidauk iha resposta serteja husi Isabél Ruak maibé iha índisius katak %99,9 iha possibilidade atu konkorda ho ami nia pedidu, ita hein iha fulan balun tuir mai bá resposta sertu’’. Informa porta-vóz Juvêncio.

Entertantu, dadaun ne’e Dra. Isabél Ruak sei lidera fundasaun sentru Quesadhip Ruak hodi hala’o atividade edukasaun sívika bá sidadania no hala’o asaun sosiál iha territóriu tomak.

 

Jornalista : Arménio.

 

relavante