banner 728x90

Rezultadu Provizóriu, Horta Lidera Parlamentu

Horta no Assanami // Foto : G-RTV.com
banner 120x600
73 Views

Jornalísta : Arménio //

G-RTV.Com (Lautém) : Sentru Votasaun ne’ebé lokaliza iha eskola Ensinu Báziku Filial (EBF) Moru, Suku Parlamentu, postu-Administrativu Lautém, Munisípiu Lautém, provizoriamente lidera husi kandidatu ho númeru sorteiu 1.

banner 325x300

Tuir rezultadu kontázem votu ne’ebé la’o pasífiku tebes, rezulta kandidatu ho númeru sorteiu 1, José Ramos-Horta lidera ho votu 368 no kandidatu Francisco Guterres Lú Olo ho númeru sorteiu 2, hetan votu 329, votu nulu 7, abandonadu inklui rezeitadu no reklamadu, la iha, votu branku iha de’it 1.

Tuir observasaun direta husi jornalísta G-RTV.com iha terrenu nota katak, sentru votasaun EBF Moru loke hahu tuku 6 dadér no taka iha tuku 15:00 loraik, ÓTL ne’ebé hetan partisipasaun máximu husi komunidade eleitór ne’ebé pertense iha aldeia Moru, Iparira no Laiara.

Entretantu, iha sentru votasaun seluk ne’ebé eziste iha suku Parlamentu, mak hanesan Tenu, Soikili, Ira-Ara ne’ebé ho nia rezultadu kontázem votu ne’ebé G-RTV.com assesu :

  1. Tenu :

Kandidatu Númeru 1 : 176.

Kandidatu Númeru 2 : 118.

  1. Ira-Ara :

Kandidatu Númeru 1 : 112.

Kandidatu Númeru 2 : 119.

 

  1. Soikili :

Kandidatu Númeru 1 : 120.

Kandidatu Númeru 2 : 60.

 

Ho rezultadu ida ne’e, provizóriamente José Ramos-Horta Lidera iha suku Parlamentu ho totál votu 776 no Lú Olo ho votu 626.

 

(REMATA).

 

 

 

relavante