banner 728x90

SAEMOUL UNDONG apoia Programa Movimentu Hafoun Aldeia

Entrega Simbólika apoiu husi embaixadór Korea Súl bá Vise-MAE / Foto : Julio Paixão (Dili, 10/12/2021)
banner 120x600

G-RTV.Com (Dili) : Guvernu Koreanu liu husi Saemaul Undong (SU) nu’udár movimentu agrikultór no movimentu transformasaun mentalidade agrikultór nian, ajuda guvernu liu husi Programa Movimentu Hafoun Aldeia (PMOHA)  husi Ministériu Administrasaun Estatál (MAE).

Apoiu husi Saemoul Undong, Embaxadór Korea Súl iha Timor Leste, Kim Jung Ho afirma,  apoiu bá Governu Timor Leste liu husi Saemoul hodi ajuda formasaun no oferese ekipamentu bá Agrikultura atu halo transformasaun nian.

banner 325x300

Saemoul Undong (SU) oferese equipamentu  ba aldeia sira ne’ebé difini, sei  esforsu atu SU iha Timor hetan apoiu nafatin husi guvernu Korea  ho kuantidade ne’ebé diák liu atu ajuda PMOHA ba aldeia hotu hotu iha Timor .”  hateten emabixadór ne’e, iha salaun edifísiu sentrál MAE, Sexta ne’e.  10/12/2021.

Reprezentante estadu Korea Súl iha timor Leste ne’e, reforsa tan, ekipamentu iha apoiu ne’e kuaze sasan ne’ebé ajuda bá iha formasaun nian.

‘’Ekipamentu ne’ebé entrega hodi uza ba iha formasaun SU ba tinan ida ne’e mak hanesan projetór , laptop , browser no seluk tan ne’ebé prezisa ba formasaun nian , nune’e apoiu ida ne’e ba aldeia 4 mak hanesan aldeia 2 iha atauru  aldeia 2 iha aileu, husi ajudu ne’e inklui moos finanseiru 20 mill ba tinan 5″ reforsa reprezentante ne’e.

Iha fatin hanesan, Lino de Jesus Torrezão nu’udár vise-MAE ne’ebé reprezenta guvernu,  salienta liu tan, programa ne’e atu hakbi’it komunidade sira nia moris.

“Programa SU  ne’e harii bá nasaun iha mundu hotu liu-liu nasaun sub-dezemvolvidu sira mak prioriedade atu hetan apoiu husi programa SU ne’e , inklui Timor, tamba programa ne’e atu ajuda komunidade hakbi’it sira nia forsa ekonómika” nia hateten.

Vise-MAE ne’e, esplika moos katak programa refere tuir lolos hala’o iha tinan kotuk maibé tambá Covid-19 nune’e tinan rohan 2021 ida ne’e mak foin realiza no prioritiza bá munisípiu 6 mak hanesan Baucau, Bobonaro, Aileu, Ainaro, Ermera ne’ebé sei hahu ho formasaun.

Tuir Koordenadora PMOHA-MAE, subliña, programa SU ne’e nia objetivu mak atu hadia infrastutura bázika no hadia ekonomia.

“Programa SU harii iha nasaun Korea Súl,  atu ajuda ema sira sai husi mukit no kiak ho objetivu 2 ba programa ne’e mak hadia infraestrutura bázika  no hadia ekonomia ka  ambiente sai diák, liu husi halo estrada, bee ka saniamentu báziku , hakiak animál no seluk tan , maibé komunidade sei tuir formasaun SU atu hatene konteodu ba programa refere nune’e pessoál ne’ebé hetan tenke hatene uza no jere ho diák .’’ Subliña koordenadora PMHOA, Idelta Rodrigûes.

Entretantu, tuir informasaun ne’ebé G-RTV assesu, SU ne’e implementa bainhira nasaun fundadór Korea Súl foin ukun-an no sei konsidera hanesan país sub-dezenvolvidu iha tempu ne’ebá, ho polítika SU ne’e iha tinan 20 hafoin independénsia, sira sai ona nasaun ida dezenvolvimentu ho baze ekonomia ne’ebé forte.

Jornalista Estajiada : Dircia crisanta /Melania moniz.

Editor : G-RTV.com

 

 

 

 

 

 

 

 

banner 325x300

relavante