banner 728x90

SAI CRISTÃO KATAK SAI SERVIDOR BA ITA NIA MALUK SIRA

Foto Ilustradu husi Google // 02/04/2021
banner 120x600
79 Views

Husi : Eduardo Da Silva Soares (Seminarista Diocesano de Seminário Maior Fatumeta, Dili)

 Primeira Leitura; EX; 12;1-8.11-14

banner 325x300

 Segunda Leitura 1 Cor. 11,23-27

Evangelho Jo. 13,14

 

“Imi halia Hau imi nia Mestre no imi nia Na’i; imi dehan loos duni basá Hau mestre duni Hau Nai tebes. Maski Mestre, Maski Na’i, hau fase imi ain. Ne’e duni, imi mos sei halo hanesan ne’e ba malu” (Jo. 13-14)

Maluk sarani doben sira! Ohin tama ona ba Quinta Feira Santa, kalan ikus nian nebé Jesus saran nia an tomak hodi harii Eucaristia, atu salva humanidade tomak.

Relato celebração páscoa ida ne’e monu loos iha momento libertação povo Israel husi Egipto. Povo Israel hanoin hikas fali Maromak nia acto libertadora iha sira nia história nudar Maromak nebé haraik an no sempre hamatan ba atan hirak nebé terus, susar, ema hewai, tanba injustiça hodi lori sira ba salvação. Maibé graça ida ne’e necessita ema nia disposição atu colabora. Nune’e haktuir iha primeira leitura katak cada familia sei buka bibi oan ida sei halibur hamutuk iha comunidade, sei oho bibi hirak ne’e, hodi han hamutuk, no kose nia ran iha sira nia odamatan nudar sinál páscoa nian no nudar mos Maromak oan. Ho nune’e Maromak sei liu iha momento ne’e hodi oho hotu Egipto nia oan Kawaik sira, no sei halo justiça ba rai Egipto nia lulik sira tomak.

Iha Segunda leitura leitura reflete kona ba comunidade Cristã nebé halibur hamutuk atu celebra memória Jesus nia Mate no moris hias iha han kalan ba dala ikus. Halibur hamutuk ne’e refleta ba relacionamento comunitário nebé harii iha soliedariedade, iha justiça no fraternidade. Eucaristia maka graça boot nebé halo ita iha relasaun diak ho Jesus no ita nia maluk sira.

Evangelho haktuir Jesus ida nebé mestre no Nai, hatudu exemplo hodi haraik an no serviço hodi harí comunidade fraternal ida. Jesus nebé maske Mestre no Nai haraik an nudar servo hodi fase nia escolante sira ain. Gesto “Fase ain” simboliza domin: fó an tomak ba ema seluk nia diak. Nune’e Jesus hamonu hotu espírito poder nebé hanehan, vingança no violência sira hotu, no muda valor dominante iha soedade no instituição hirak nebé discrimina no oho vida hodi harii comunidade foun ida nebé serviço hamutuk ba moris diak. Pedro nudar líder grupo nian, la consegue entende hahalok nebé Jesus halo. Vinculado ho domínio da sociedade de classes, nia la simu Jesus atu fase nia ain no nia compreende significado lolós hafoin Jesus mate no nia opção atu tuir Jesus mós hetan preseguição no mate iha destino hanesan nia mestre. Nune’e Sentido lolós husi fase ain ne’e maka Domin no serviço.

Tanba ne’e comunidade Cristão labele moris iha desigualdade, labele harii comunidade nebé iha chefe atu manda nia atan sira, maibé sim hotu hotu sai nudar servidores. Nune’e pergunta Jesus nian hafoin fase ain sai hanesan desafio boot ba ita sarani sira hotu “imi compreende buat nebé mak hau foin halo? Imi tenke halo tuir nune’e.

Pista ba reflexão 1. Celebra páscoa nudar dalan ida Povo Israel reconhece presença libertadora Maromak nian iha sira nia caminhada. Família ida-idak hetan bolun atu hakbesik ba comunidade eucaristica atu hetan moris. Ema ida[1]idak hetan bolun atu participa iha êxodo, hodi lao ba Justiça no pas. Iha ita nia Exodu moris nian, ita reconhece eh lae Maromak nia presença no Ninia Kbiit?

  1. Ohin ita celebra instituição eucaristia nian nudar Jesus rasik mak entrega nia an tomak ba mundo tomak nia moris. Participa iha Eucaristia katak simu Jesus ho fuan nebé agradecido, tan graça boot be Jesus haraik, hodi fo han ba ita ho nia isin no ran. Nune’e eucaristia halo ita compromete an atu moris iha comunhão ho Maromak no ho ita nia maun alin sira, tanba ita hadulas mesa lulik Nai nian nudar maun alin. São Paulo fo hanoin ba Cristão Corintio sira no ba ita katak Eucaristia no solidariedade ne’e ida deit nune’e domin ba Maromak hatudu husi domin ba maluk sira nebé tenke concretiza imoris loron loron maka hanesan fo kmaan bae ma hirak be terus, fo aihan ba sira be hamlaha, fo han ba sira be lao luan nst. Ne’e nudar critério fundamental husi Eucaristia.
  2. Jesus maka modelo lolós Domin nian: Jesus antes nia mate, nia harii comunidade foun ida, representa husi nia seguidores sira nebé hanaran an Cristão. Ho nia gesto fase ain hatudu sai dalan atu garante relação Igualdade no justiça katak serviço hamutuk. Nune’e Maromak Oan mane mesak sai nudar servidor, ita hotu hetan bolun atu servi ita nia maun alin sira hanesan nia rasik dehan “Imi halia Hau imi nia Mestre no imi nia Na’i; imi dehan los duni basá Hau mestre duni Hau Nai tebes. Maski Mestre, maski Na’i, hau fase imi ain. Ne’e duni, imi mos sei halo hanesan ne’e ba malu.” Oinsá maka ita bele halo ida ne’e iha ita nia moris loron loron?

 

relavante