banner 728x250

SEJD no FFTL ‘’futu-lia’’ hamutuk prepara futuru futebolista

Assina akordu entre SEJD no FFTL ne’ebé akontese iha loron 14/12/2021 // Foto : Ekipa G-RTV.com
banner 120x600

G-RTV.com (Dili):  Sekretáriu Estadu Juventude no Desportu (SEJD) ‘’futu-lia’’ alias akordu hamutuk ho Federasaun Futeból Timor Leste (F-FTL) atu haree bá dezenvolvimentu Desportu Futeból nian.

Akordu  entre instituisaun rua ne’e atu prioritiza bá dezenvolvimentu desportu juveníl hodi prepara futuru futebolista ho disiplina no iha valór bá desportu.

banner 325x300

‘’Ami nia akordu ne’e, atu dezenvolve futeból juveníl atu sai futuru futebolista sidadaun ho disiplina no iha valór bá desportu nune’e , enkuantu Governu  iha interese atu dezenvolve labarik ida entaun kombina interese rua ne liu husi dezenvolvimentu futeból juveníl, no apoiu saida de’it husi governu iha protokolu kooperasaun no negosiasaun ne’ebé  iha ona, no rekrutamentu ba treinadores’’ haktuir SEJD, Eng. Abrão Nokosiku saldanha, iha serimónia akordu, sala enkontru SEJD, Munisípiu Dili, Tersa ne’e.

Membru Guvernu ne’e afirma tan, responsabilidade tomak sei foo bá akedemia futeból juveníl sira no sei autonimiza jestaun iha munisípiu idak-idak.

’SEJD no FFTL sei transfere responsabilidade bá akedemia sira atu autoriza nia jestaun rasik iha orsamentu, no tinan oin. Ho akordu foun ne’e, sei autonomiza jestaun kada munisípiu’’. Afirma Membru Guvrnu husi partidu FRETILIN ne’e.

Iha fatin hanesan, Prezidente FFTL, Francisco Jerónimo esplika katak FFTL sei halo implementasaun tuir akordu ne’ebé iha espesialmente bá grupu futeból juveníl nian.

“Ami sei hahu halo implementasaun tuir akordu  entre SEJD iha 2022 ne’ebé sei hare liu ba grupu juveníl sira iha munisípiu hotu no mos ba nível nasionál hodi hadia future jóvem sira nian’’ esplika Prezidente FFTL nu’udár atuál membru guvernu ne’e.

Entertantu, federasaun futeból munisipál agora dadaun iha 13 ne’ebé sei autoriza husi SEJD no FFTL  ho formatu foun mak autonomia jestaun tuir komprimissu ne’ebé iha ona.

 

Jornalista Estajiada :  Dircia crisanta/Melania moniz.

Editór  : Ekipa G-RTV.com

 

 

banner 325x300

relavante