banner 728x90

Sekje PSHT Ataka Xanana-Horta, Membru Lamenta

Foto : E. Pereira
banner 120x600

Jornalísta : Arménio //

G-RTV.com (Dili) : Relasiona ho deklarasaun Sekretáriu Jerál (SEKJE) organizasaun FUAN DOMIN nu’udár klamar arte marsiais Persaudaran Setia Hati (PSHT)  Timor Leste, Pedro Apariçio ne’ebé ataka personalidade líder nasionál Kay Rala Xanana Gusmão no José Ramos-Horta  foin lalais ne’e, hetan lamentasaun husi membru PSHT.

banner 325x300

Liu husi konferénsia imprensa, reprezentante membru organizasaun rezisténsia FUAN DOMIN no PSHT, deklara, rezeita deklarasaun ne’ebé fó sai husi Pedro Apariçio.

‘’Ami Organizasaun FUAN DOMIN no membru PSHT deklara bá públiku katak rezita no kondena totál deklarasaun SEKJE PSHT ne’ebé hasai liafuan kroat hasoru Comadante em Chefe das FALINTIL, Kay Rala Xanana Gusmão hodi ataka nia personalidade tambá Xanana hanesan patrimóniu estadu ne’ebé presija ema hotu nia respeitu nu’udár aman bá nasaun,’’  Deklara lamentasaun husi portavóz, Sergio Borges de Deus nu’udár SEKJE FUAN DOMIN, iha palapaso (DILI), Sábadu, 16/04/2022

Perante média, Sergio subliña tan, ‘’Hanesan membru organizasaun rezisténsia FUAN DOMIN nu’udr klamar husi organizasaun arte marsiais PSHT, hakarak informa ba públiku, ami kondena maka’as Pedro Aparicio ne’ebé lori naran PSHT hodi insulta líder nasionál Kay Rala Xanana Gusmão, ne’e kontra estatutu PSHT ne’ebé bandu membru atu lori naran organizasaun hodi tama iha vida polítika prátika tuir artigu  2009/05,’’ Dehan Nia.

Reprezentante FUAN DOMIN no PSHT ne’e mós husu atu atuál SEKJE PSHT, halo klarifikasaun bá públiku inklui husu deskulpa.

‘’Husu Ba Pedro Apariçio hodi klarifika bá públiku no husu deskulpa ba Kay Rala Xanana Gusmão no José Ramos Horta inklui públiku,’’ Reforsa portavóz.

Reprezentante hirak ne’e mós konsidera deklarasaun ne’ebé fó sai husi atuál advogadu Pedro Apariçio ne’e, la reprezenta organizasaun, no iha tempu hanesan, fontes hirak ne’e lori naran FUAN DOMIN no PSHT husu deskulpa ba líder sira ne’ebé Pedro Apariçio temi iha nia entrevista foin lalais ne’e.

(REMATA)

relavante