banner 728x90

Sidadaun na’in-6 mate iha asidente tráfiku durante loron finadu

Supply
banner 120x600

G-NEWS (Dili) – Liu husi konferénsia Imprensa ne’ebé hala’o iha Edifísiu Komandu Jéral PNTL Kaikoli Dili, Sexta Feira (04/11/2022), Porta Voz Komando Jerál PNTL Superintendente Xefe Arnaldo de Araujo klarifika situasaun Jeral iha Territóriu Timor-Leste hafoin selebra loron Finadu tinan ne’e.

Situasaun iha territóriu laran la’o hakmatek no kontroladu, maske iha asidente tráfiku balun maibé la afeta ba situasaun jerál.

banner 325x300

“ha’u hakarak informa ba ita bo’ot sira kona-ba situasaun jerál iha territóriu laran katak durante  selebrasaun loron finadu ne’e, hahú husi loron 29/10/2020 to’o 03/11/2022 situasaun jerál la’o hakmatek maske iha asidente balun ne’ebé rezulta ema na’in 6 lakon vida maibé la afeta ba situasaun jerál iha territóriu laran Tomak” dehan nia

Iha loron 29/10/2022, asidente tráfiku rezulta ema ida lakon vida iha Manatuto, bainhira kondus motor halai sai husi estrada, rezulta ida mate no ida hetan kanek, kontinua iha loron 30/10/2020  iha Baucau, kamioneta ida la tuir nia diresaun, soke motor ida hodi rezulta ema mate, iha fali loron 31/10/2022, kareta ida soke motor, rezulta ema mate, nune’e iha fali loron 02/11/2022 kontinua iha asidente tráfiku bainhira kareta ida soke tan motor ida hodi rezulta ema mate.

Asidente tráfiku hirak ne’e akontese iha munsípiu Manatuto, Baucau, Ermera nomós Munisípiu Dili durante selebrasaun loron finadu. Tuir dadus sira ne’ebé lakon vida mane na’in 6 no feto ida hetan kanek todan, iha ne’ebé sei halo hela tratamentu iha Óspital, enkuantu iha munsípiu seluk situasaun jerál kontroladu no la’o hakmatek.

Maske iha  Fatunaba joven sira asaltu malu iha Kinta dadersan (03/11/2022), entre arte Rituais no arte Marsiais, rezulta joven ida mate, maibé PNTL asegura ona fatin refere no detein joven na’in 27 inklui feto ida iha sela polisía Munisípiu Dili, no sei lori suspeitu hirak ne’e ba halo primeiru interogatóriu. Dadauk ne’e situasaun iha Fatunaba-Dare kontroladu fali ona tanba PNTL halo hela seguaransa.

Jornalista       : Teotonio Alves Pinto

Editór             : Amito Qonusere Araújo

banner 325x300

relavante