banner 728x90

Sidadaun sira sadik PNTL hapara negósiu iha merkadu Delta

banner 120x600
12 Views

G-NEWS (DILI) – Komunidade sira área mini merkadu Elemloi Delta, Comoro, husu autoridade seguransa, liu-liu Polísia Trânzitu atu halo atuasaun imediata ba atividade negósiu iha mini Merkadu Delta, tanba atividade ne’e hamosu engrafamentu iha tenpu lorokraik to’o kalan.

Tuir observasaun G-News iha terrenu nota, faan na’in sira iha mini merkadu Elemloi-Delta kontinua faan saan tama to’o estrada klaran, hodi hamosu engrafamentu, maibé autoridade munisípal Dili no Polísia seidauk halo intervensaun imediata.

banner 325x300

Komunidade ida Paul Sarmento, rezidente iha Manleuana, Dili, kinta-feira (28122023) informa G-News katak, lamenta ho atividade negósiu ne’e tanba sempre hamosu engrafamentu iha tenpu loraik to’o kalan.

Tanba ne’e, nia husu ba autoridade seguransa no autoridade munisípal atu atua ho rigor.

“Ita hotu populasaun iha área refere, husu ba Polísia no munisípiu Dili atu halo atuasaun. Haruka sira ba faan sasan iha Merkadu Manleu, iha ne’ebá, governu prepara ona fatin”, Paul ko’alia ba G-News, bainhira konduz motorizada, atu ba nia hela fatin. 

Iha parte seluk, Martinho Gusmão konta kronolójia hosi problema ne’ebé akontese entre faan na’in sira iha estrada públiku Elemloi-Delta nian. Nia hateten, problema ne’e akontese iha loron 26 fulan Dezembru foin lalais ne’e.

“Kazu ne’e atu ba faan sasan, alin balun iha bairro laran mak fila mai, entaun muda tiha ninia meza, nia ba husu ema sira iha ne’ebá mais la hatene hotu, ne’e mak nia satiadu, ko’alia barak, entaun sira na’in hira mak kreok lesuk nia. Vítima ne’e iha bairro laran, restu ne’e bairro seluk mak mai halo problema”, Martinho Gusmão esplika ba G-News.

Hosi informasaun ne’ebé G-News asesu hosi rezidente ne’e katak, to’o oras ne’e Polísia seidauk halo kaptura suspeitu sira.

“To’o agora, Polísia mai kaer fali vítima sira iha bairro laran, depois hotu tiha, loraik sira iha bairro Delta-3 mai serang tán iha ne’e, Polísia mai kaer tán labarik sira iha uma. Agora sidang kala ohin 72 jam karik la hatene loos”, rezidente ne’e esplika.

“Oribainrua, orseik, Ha’u haruka taka, mais sira hakarak loke nafatin, ne’ebé iha ne’ebá ha’u fó avizu ba ida-idak atu ba ninia bairro. Bairro ami nian, faan iha delta laran, bairro sira nian hakarak faan, entaun faan iha delta-3, depois merkadu sira ne’e ba ida-idak nia fatin, par ida ne’e husik movimentu ne’e la’o di’ak duke faan iha ne’e, loraik-loraik macet hanesan ne’e, ita la’o la diak, ema ne’e ita ko’alia mós la rona”, Martinho kontinua esplika tán.

Ho problema ne’ebé akontese, rezidente Martinho Gusmão afirma, problema ne’e dalaruma sei akontese, liu-liu iha loron ba tinan foun 2024 ninian.

“Dalaruma tanggal 1 ka tanggal 2 ne’e sei mosu problema boot maun, tanba sira provoka malu ona. Oribainrua ha’u ba iha ne’ebá ne’e sira ko’alia barak, ha’u dehan bairro ne’e hakarak aman, se imi lakohi faan iha ne’e, di’ak liu ida-idak ba nia fatin, duke iha mosu problema bebeik. Xefe aldeia mós apoiu ita, dehan di’ak liu taka tiha de’it”, Martinho Gusmão hakotu.

To’o infromasaun ne’e fó sai, G-News seidauk hetan konfirmasaun ho parte seguransa kona-ba ne’e.

 Jornalista            : Ekipa G-News

Editór Testu         : Amito Qonusere Araújo

relavante