banner 728x90

Sidade Dili, sidade Kafé – diskusaun – dalan ba revolusaun

banner 120x600
127 Views

G-NEWS (DILI) – Leitor sira G-News nian, no públiku tomak ne’ebé sempre akompaña sítiu ida ne’e, haksolok tebes hasoru malu fali.

Ohin ha’u lori leitor estimadu sira, atu hatene kona-ba sidadaun sira iha rezidente iha kapitál Dili, ne’ebé gosta hemu kafé iha kafetária sira. bainhira ita haree iha kafetária sira, nakonu ho sidadaun sira, liu-liu joven produtivu. Hosi sira nia hemu kafé, laos hemu loos de’it hanesan hemu iha uma. Kafé ho folin dollar ida iha kafetária sira, lori vizitante sira kakutak, atu halo diskusaun. Kuandu ko’alia diskusaun, ita identifika buat barak hanesan, diskusaun kona-ba eskola, domin, problema família, assuntu ne’ebé relevante ho tópiku ne’ebé sira lori ba, no seluk-tán. Maibé barak liu mós diskute kona-ba situasaun polítika rai-laran.

banner 325x300

PR Horta Promete Sei Kria Fundu Ba Kafé

Hosi diskusaun sira ne’e atu halo mudansa ba buat ida katak, bele rejolve problema ne’ebé sira enfrenta iha liur. Ida ne’e mak hanaran Revolusaun. Lia-fuan revolusaun, dalabarak mosu iha sosiedade nia leet ka família liu ne’e dehan atu halo funu. Maibé lia-fuan Revolusaun hanesan mudansa ida ka Bahasa Indonézia dehan Suatu Perubahan. Entaun mudansa mak sira bele konversa iha fatin kafetária sira ba assuntu saida de’it mak sira hakarak atu ko’alia.

Revolusuan hanesan mudansa ida iha tempu ne’ebé badak. Tuir Aristoteles, revolusaun fahe ba parte rua hanesan; da-huluk; mudansa total hosi Sistema ida ba Sistema ne’ebé la hanesan, no da-ruak; modifikasaun Sistema ne’ebé iha ona.

Timor Leste coffee, the most unique coffee in the world

Ita fila ba tópiku iha leten kona-ba Sidade Dili, sidade Kafé – diskusaun – dalan ba revolusaun. Ema hotu gosta hemu kafé. Tanba hemu kafé, fó inspirasaun. Hosi inspirasaun ne’e, bele diskute hodi halo mudansa ba Sistema ida, liu-liu assuntu servisu, situasaun família uma laran, ka modifika de’it Sistema ne’ebé mak iha ona, ka halo loos de’it ka hadia de’it. hosi diskusaun iha kafetária, bele hamosu ideia barak, tanba kafé Timor, dezeña pensamentu rásiu, lia-fuan di’ak mosu derepente de’it, satan hemu kafé mak akompaña ho sigaru, waoooo, hanoin brillante mosu oi-oin de’it, ko’alia óras ida, daruma dada malu konversa to’o óras 2 liu. Kafé Timor klaru ke lori motivasaun, fó inspirasaun ba konvertator sira.

Laos kafetária de’it iha kapitál mak hemudor sir aba iha ne’ebá, maibé mós iha kafé sira iha estrada ibun, liu-liu maluk sira ne’ebé uza gerobak ka kareta ki’ik sira, ba faan sira nia kafé iha ne’ebá, hanesan akontese iha Igreja Motael nian. bain-bain koñesidu ho kafé trotoar, The Journalist kafé. Hirak ne’e mosu diskusaun oi-oin. Sidadaun artistíka sira, komunidade jornalista sira, estudante akadémiku no sidadaun sira seluk ne’ebé halo jimnastíku iha lorokraik, sempre ba hemu kafé iha ne’ebá. Ida ne’e hanesan revolusaun ida hosi ema ida, tanba aproveita oportunidade hirak ne’e hodi halo mudansa ba sira nia an rasik, hanesan saúde, halakon stress ka hanoin barak. Liuhosi kafé ho diskusaun, dalan ida ba revolusaun moris hosi pesoal to’o grupu, no bele alarga to’o servisu iha instituisaun Estadu sira.

Iha Ermera, LAT : ‘’Kafé La Folin Bainhira La Iha Estabilidade’’

Revolusaun ka mudansa ida akontese, laos akotese iha servisu fatin, maibé revolusaun ne’e hahú akontese hosi diskusaun ki’ik sira iha dalan ibun, iha uma, iha fatin hemu kafe nian, ka dalaruma mós akontese iha kampus. Maibé ba sira ne’ebé hemudor kafé, dalabarak bele hamosu ideia sira brillante iha fatin hemu kafé nian. Kuandu hemu door kafé mak diskute kona-ba nasaun nia distiñu, ida ne’e mak sidadaun di’ak, ne’ebé iha espíritu nasionalizmu no patriotizmu ba rai ida ne’e, no hakarak duni atu dezenvolve rai Timor. Hemu kafé, inspira kakutak hamosu ideia foun.

Kafé Timor, haleu ona mundu, morin tebes, hanesan mós Timor nia naran mak hakat ba nasaun ida-idak hodi inspira komunidade Internasionál. Timoroan tomak tenke promove nafatin rikusoin rai-laran liuhosi meiu saida de’it, importante Timor nia naran hakerek nafatin iha komunidade rai-liur nia fuan.

Iha tinan 2015, iha expo Internasionál ida iha Milan-Italia, kafé Timor hetan previléjiu no naran boot iha mundo ho produtu kafe, aleinde produtu Aikameli, no rikusoin natural sira seluk, oil no gas. Ida ne’e nu’udar orgullu boot ida ba povu Timor Leste.

Kafé Timor Leste ninia naran boot no ema hotu gosta hemu tanba kafé ne’ebé sei orgániku, ninia morin natural, konsumu sente gostu kompara ho kafé sira hosi nasaun seluk ne’ebé uza ona fertilizante anorgánika. Timor Leste nu’udar nasaun ne’ebé hetan nia Independénsia tinan rua nolu resin, sente orgullu tanba ho produtu kafé bele hamorin merkadu internasionál, ne’ebé apresia iha mundu. Antes Expo iha Italia, timoroan mós partisipa ona Expo internasionál ida iha Xina no nasaun seluk mós promove ona produtu kafé no produtu seluk-tán. REMATA

Redasaun G-NEWS

relavante