banner 728x90

Somotxo preparadu kompete lidera FRETILIN, Branco hatan

Vise-Prezidente FRETILIN Francisco Miranda Branco // Foto : Esploridu
banner 120x600

G-RTV.com (DILI) : Partidu Frente Revolusionario Timor Leste Independente (FRETILIN), tempu badak sei realiza kongressu nasionál hodi hili lideransa foun bá períodu 2021-2026.

Naran ne’ebé mosu ona iha públiku hodi sai pakote ida atu kompete iha eleisaun lideransa FRETILIN nian mak veteranu Somotxo (Prezidente) hamutuk ho Rui Maria de Araujo (Sekretário Jerál).

banner 325x300

Hatan bá ida ne’e, vise-prezidente esplika, ho pakote ne’e, FRETILIN hakarak hatudu demokrasia no estatutu la taka dalan bá se de’it mak atu kompete.

‘’Bá ida ne’e, hakarak hatudu katak FRETILIN mestre bá demokrasia, iha estatutu partidu nian moos la taka dalan, nune’e ami hakarak reafirma ami nia polítika demokratizasaun iha iha ita nia estadu no nasaun hahu husi partidu’’. Esplika vise-prezidente FRETILIN, Franscisco Miranda Branco iha sede CCF, Sábadu ne’e.

Nia hatutan tan, FRETILIN hatudu dinámika foun bá sosiedade no partidu seluk tambá Fretilin sempre hatudu prossesu demokrátiku.

‘’Hatudu dinámáika foun, ba sosiedade no partidu seluk, nune’e la iha problema tambá FRETILIN sempre iha linã oin ba prossesu demokrátiku’. Hatutan Vise ne’e.

Konabá kalendáriu kongressu nian, depende ajendamentu husi Komisaun Polítika Nasionál (KPN) CCF nian hodi halo ajendamentu no deskute.

‘’Sei deside husi Komité Sentrál FRETILIN (CCF-Sigla português) liu husi KPN hodi ajenda no diskute, maibé bazeia ba situasaun pandemia Covid-19 nafatin hanesan ho eleisaun tinan 2016 ou bele moos membru CCF de’it mak hili’’.dehan atuál xefe bankada FRETILIN iha PN.

Estrutura atuál FRETILIN ne’ebé eleitu iha tinan 2016 liu husi eleisaun direta ho pakóte úniku, nomeia Prezidente Partidu mak Francisco Guterres Luolo no Sekretáriu Jerál okupa husi Mari Alkatiri, to’o loron 3 fulan Setembru tinan 2021 kompleta ona tinan lima tuir mandatu.

Entertantu, Tuir informasaun ne’ebé G-RTV.com assesu katak, atuál deputadu Agustinho Sequeira ‘’Somotxo’’ husi bankada FRETILIN fo sai katak nia preparadu ona atu kompete hodi lidera FRETILIN iha períodu 2021-2026.

Jornalista : Arménio.

Editór : Ekipa G-RTV.

banner 325x300

relavante