banner 728x90

SSK Komoro: Durante SS, Inan-Isin Rua Kada Loron Aumenta.

Sentru saude klinika Komoro // Foto : G-RTV.Com///
banner 120x600
13 Views

G-RTV News (12/05/2021): Sentru Saúde Klínika (SSK) Komoro Iha Tempu Serka Sanitária no Konfinamentu obrigatóriu ne’ebé aplika ba territóriu Munisípiu Dili, rezista konsulta inan-isin rua kala loron aumenta.

Diretora SSK Komoro, Emilia Ayati de Sousa, klarifika katak durante Serka Sanitária (SS) rezista inan-isin rua halo konsulta kada loron aumenta.

banner 325x300

‘’Kada loron liu-liu iha SS ami sempre relata, katak, inan-isin rua mai konsulta ne’e aumenta no husi totál kada loron to’o fulan ida, bele atinje husi 500 to’o 700 pessoas ne’ebé mai konsulta ho kondisaun isin-rua’’. klarifika diretora ne’e iha nia kna’ar fatin SSK Komoro,Munisípiu Dili (12/04).

Konabá partus iha klínika refere, fontes ne’e informa, kada loron bele iha pasiente ba partus husi ema na’in 5 ba leten.

‘’Durante SS, kada loron maka’as, kuaze loron ida inan-isin rua husi lima ba leten mak partus, dalaruma ba partus mak la to’o’’. Informa fontes ne’e.

Diretora ne’e mós relata katak hahu fulan Janeiru to’o Abríl Tinan ne’e, Inan-isin rua ne’ebé partus iha SSK Komoro totál hamutuk 843.

‘’Hahu husi Janeiru inan-isin rua partus hamutuk 187, Fevereiru iha 197, Marsu total 234, Abríl iha 225, inlkui klínika privadu sira iha area servisu SSK Komoro nian maibé sira ne’e kuaze husi ema na’in 100 to’o 150 mak partus iha klínika privadu sira’’. Relata diretora.

Iha fatin hanesan, G-RTV.com observa moos konabá komunidade simu vasina iha SSK Komoro, kada loron husi ema na’in 50 to’o 100 mak  rezistu hodi simu vasina.

Jornalista : Arménio.

 

 

 

 

 

 

relavante