banner 728x90

Superintendente Umbelina bolu atensaun ba KORK Liquiça

banner 120x600
17 Views

G-NEWS (LIQUIÇÁ) – Membru Organizasaun Arte Marsiais KORK hosi munisípiu Liquiça hala’o preparasaun atu tuir serimónia aniversáriu OAM KORK ba dala 41 iha Munisípiu Ainaro. Tanba hala’o viajen hosi munisípiu ba munisípiu, Autorudade munisípiu Liquiça alerta informasaun paz no hakmatek ba membru hirak ne’e bainhira deslokasaun akontese.

Ba G-News, liuhosi pájina ofisial PNTL  Tersa-Feira (11042023), Komandante Komandu Polísia Munisipiu Liquiçá Superintendente Umbelina dos Santos Soares akompaiña hosi Komandante Operasionál Protesaun Sivil Inspektur Xefe Manuel Maria Dos Santos, halo intervensaun seguransa hodi transmite Informasaun ba organizasaun Grupu Arte Marsiais (GAM) iha Munisípiu Liquiçá ne’ebe sei desloka ba Munisipiu Ainaro, hodi partisipa aniversáriu Kmanek Oan Rai Klaran (KORK) ba dala 41.

banner 325x300

Iha Intervensaun, Komandante Polísia Munisípiu Liquiçá Superintendente Umbelina dos Santos Soares hateten, deslokasaun hosi membru grupu presiza hetan hanoin hosi autoridade seguransa.

“Lori Munisípiu Liquiçá nia naran, ba ho naran ne’ebé di’ak no fila fali mai ho naran ne’ebé di’ak Nafatin. Nafatin fo hanoin ba iha Motorista sira atu la’o viajen kontrola asesores transporte, dokumentus, SIM no seluk tan, tenke kontribui mós ba Regras seguransa Rodaviariu nian”, tenik Umbelina.

Superintendente Umbelina mós husu ba koordenador, estrutura no membru sira hotu durante viajen labele uza atributu sira ne’ebe partense ba grupu Arte Marsiais nian.

“Bainhira halo viajen sai husi Munisípiu Liquiçá ba Munisipiu Ainaro, kontinua “mantein disiplina, hametin paz no estabilidade”. Iha atividade deslokasaun GAM KORK, hetan akompañamentu hosi PNTL no ambiente seguransa iha terenu kontroladu”, Nia hakotu.

Jornalista     : Ekipa G-News
Editór Testu : Amito Qonusere Araújo

relavante