banner 728x90

Tailândia ofisializa kazamentu seksu hanesan, ba da-huluk iha ASEAN

banner 120x600
67 Views

G-NEWS (DILI) – Tailândia ofisialmente legaliza kazamentu entre ema ho seksu hanesan hafoin votasaun iha Parlamentu bazeia ba konstituisaun, ne’ebé hala’o iha tersa-feira (18062024).

AFP relata katak, Kâmara alta senadu nian halo aprovasaun final ho votus maiória hamutuk 130 kontra 4. Hosi votasaun ne’e, na’in-18 mak abstein atu halo alterasaun ba konstituisaun ba legalizasaun kazamentu seksu hanesan.

banner 325x300

Projetu lei aprovadu hosi parlamentu ne’ebé sei entrega ba Liurai Maha Vajiralongkorn atu hetan aprovasaun, no lei ne’e sei tama vígor bainhira halo ona publikasaun iha Royal Gazette.

Ativista no grupu LGBT sira iha nasaun Tailândia mós iha esperansa katak, kazamentu da-huluk sei hala’o iha inísiu fulan-Outubru tinan 2024.

Aprovasaun kona-ba projetu ne’e iha Parlamentu, halo Tailândia sai nasaun da-huluk iha Sudeste Ásia ne’ebé formaliza kazamentu seksu hanesan. Iha parte seluk, Tailândia mós ba nasaun da-toluk ne’ebé ofisializa kazamentu seksu hanesan hafoin Taiwan no Nepal.

“Loron ida ne’e nu’udar loron ida ne’ebé povu Tailandes hamnasa. Ida ne’e nu’udar vitória ba povu Tailândes” Tunyawaj Kamolwongwat, membru Parlamentu hosi Move Forward Partidu Progresivu”. Loron ida ne’e ikus mai akontese iha Tailândia.

Tunyawaj ne’ebé mós koñesidu nu’udar fígura ida, ne’ebé fó apoiu ba igualdade no kazamentu seksu hanesan iha Parlamentu, depois hamutuk ho kolega no ninia assitente sira ho bandeira arkíris.

Konstituisaun ne’ebé legaliza hosi Parlamentu altera ofisialmente ho referénsia hosi mane, feto, feen-laen, iha lei kazamentu ho termu neutru jender.

Situasaun ida ne’e mos fó oportunidade no direitu ba seksu hanesan nu’udar kazal ho heterossexuais ne’ebé iha respeitu ba adosaun no eransa nian.

Primeiru-Ministru Srettha Thavisin, ne’ebé durante ne’e ko’alia no defende makaas lian komunidade LGBTQ no projetu lei refere, no sei loke rezidênsia ofisial ba ativista no apoiante sira ba selebrasaun depois votasaun.

Enkuantu ativista sira mós iha planu atu halo komísiu Drag Show iha sidade Bangkok, sentru negósiu boot hodi dada sae bandeira arkíris hodi demonstra sira nia apoiu dezde periódu Pride Month ne’ebé hahú iha fulan-Juñu.

Legalizasaun kazamentu seksu hanesan akontese hafoin Tailândia kleur tebes ona iha reputasaun ba tolerânsia hasoru komunidade LGBT. Tuir relatóriu ne’ebé públika ona iha mídia lokál mós hatudu apoiu sem rezerva ba públiku kona-ba kazamentu seksu hanesan.

Entantu, liu nasaun-30 iha mundu mak ofisializa ona kazamentu seksu hanesan ba ema hotu-hotu hafoin Olanda nu’udar nasaun da-huluk ne’ebé selebra kazamentu seksu hanesan iha tinan 2001 liu ba.

Jornalista      : CNN Indonesia
Editór Testu  : Amito Qonusere Araújo

relavante