banner 728x90

Tamba COVID-19, Vatikanu Hasoru Krize Finanseiru, Amu Papa Franscisco I deside sei Ko’a Salariu Kardeál.

banner 120x600
24 Views

G-RTV News ( 26/03/2021) : Tuir informasaun ne’ebé G-RTV NEWS assesu husi publikasaun iha Média Online Kompas.com iha loron 25/03/2021, 15 : 04 Óras Indonézia (WIB), hateten katak, Amu Papa Francisco I sei ko’a Saláriu Kardeál  no hirak ne’ebé hala’o kna’ar iha Vatikanu, nu’udár luta foun ida ba Vatikanu  atu oinsa rekopera rendimentu finanseira Vatikanu ni’an.

Iha deklarasaun Offisíal ne’ebé sai husi Vatikanu  iha loron 24/03/2021, deklara katak, Líder Mundiál Igreja Katólika  dekreta ona atu autoriza hodi halo prossesu ba ko’a Salariu hahu fulan Abril Tinan ida ne’e,  Ba Kardeál sira hotu, salariu ko’a ho pursentu 10 ( 10% )’’.

banner 325x300

Fontes informasaun ne’e, informa liu tan katak, Ba servisu na’in sira seluk hanesan Bispo, Padre, Madre ne’ebé servisu iha Vatikanu sei Ko’a saláriu entre %3 to’o %8.

’Konabá funsionáriu sira seluk hanesan Polísia no servisu adminitrasaun sira seluk iha sidade vatikanu, sei la iha influénsia ho Ko’a Saláriu ida ne’e’’ fontes ida husi Vatikanu esklarese , ne’ebé G-RTV.com assesu iha  Kompas.com

Situasaun ne’e akontese, tamba taka totalmente sítiu turístiku inklui Bázilika S. Pedro no Muzeum Vatikanu nu’udár fontes finanseiru ida husi fontes finanseiru sira seluk ne’ebé Vatikanu iha.

Razaun taka sítiu hirak ne’e, tamba situasaun Pandemia Mundiál konabá COVID-19 ne’ebé halakon ema barak nia vida liu-liu akontesimentu iha inísiu tinan 2020 iha Rai Itália tomak no  dadaun ne’e Lockdown sei aplika nafatin iha rai Itália.

Dadus ne’ebé fo sai husi  Worldometer iha fulan Dezembru Tinan 2020, rezulta rai Itália sofre ema lakon vida hamutuk 64. 036 tamba surtu moras COVID-19, ho nune’e bele influénsia ba rendimentu Sidade Vatikanu durante períodu Pandemia COVID-19 .

 

Fontes: Kompas.com ( Indonézia ).

Editór : Arménio.

relavante