banner 728x90

Tambá Dellos no Sossis, UPF prende sidadaun  na’in rua

Sidadaun ne’ebé UPF-PNTL prende iha fronteira Batugede // Foto : Média PNTL
banner 120x600
25 Views

G-RTV.com (DILI) : Polísia Nasionál Timor Leste (PNTL) liu husi komandu Unidade Patrolhamento Fronteira (UPF) loron bá loron kontinua prende nafatin sidadaun Timor-oan tama sai ilegalmente iha fronteira terrestre entre nasaun Timor Leste no Indonézia.

Ohin, Kuarta, loron 9 fulan Novembru 2021, kontinua prende tan sidadaun na’in rua, feto no mane   iha mota-ain, Batugede, Munisípiu Bobonaro.

banner 325x300

‘’ Ohin, parte loraik, antes tuku 6, ita prende tan sidadaun na’in rua, feto no mane iha area Batugede, ne’ebé tenta atu hakat ilegalmente bá Atambua, nasaun Indonézia nian’’, hateten Komadante UPF, Superintendente Euclides Belo liu husi Telefone ne’ebé G-RTV.com assesu.

Komadante UPF ne’e, esplika liu tan katak, motivu husi sidadaun na’in rua hakat ilegál tambá atu bá faan bebidas ho marka Dellos no alimentasaun ho marka Sossis bá Atambua, provínsia NTT, Indonézia.

’ Tuir investigasaun, sidadaun na’in rua ne’e hakat ilegal ho motivu mak atu faan bebidas Dellos no Hahan Sossis bá maluk sira iha nasaun viziñu Indonézia’’, reforsa komadante UPF.

Sasan ne’ebé UPF prende hamutuk ho sidadaun na’in rua // foto : Media PNTL.

Tuir informasaun ne’ebé G-RTV.com assesu, sidadaun na’in rua ho inisial Am no GM ne’e, lori Dellos kaixa 7 hamutuk ho kaixa Sossis nian no oras ne’e dadaun iha ona prossesu investigasaun no sei kontinua lori bá komandu munisípiu Bobonaro hodi  kontinua prossesa.

 

Jornalista : Arménio.

Editór : ekipa G-RTV.com.

 

relavante