banner 728x90

Tambá Kadoras, MFSHP Apoiu Horta-Xanana

grupu deklarante ne'ebe reprezenta nia maluk sira // Foto : Ekipa G-RTV.com
banner 120x600
21 Views

Jornalísta : Arménio //

G-RTV.com (Dili) : Grupu Movimentu Foinsa’e Hadomi Paz (MFSHP) deklara apoiu no vota ba kandidatu Prezidente Repúblika 2022-2027, José Ramos Horta no Líder Nasionál, Kay Rala Xanana Gusmão ba Primeiru Ministru liu husi eleisaun parlamentár 2023 ho razaun fundamentu mak bele dada kadoras greater sunrise mai Timor-Leste.

banner 325x300

Porta-vóz, Jeferiano úniku Xanana no Ramos Horta hamutuk mak bele realize povu Timor-Leste nia mehi hodi dada kadoras greater sunrise mai Timor-Leste hodi bele kria kampu servisu ba Timoroan rihun no hadia dezenvolvimentu Timor-Leste hodi lori nasaun ne’e sai hosi ki’ak no mukit.

Nia dehan, Timor-Leste tenke orgullu ba luta ne’ebé Xanana halo, tanba dada kadoras greater sunrise mai iha Beasu-Vikeke.

“Fígura líder rua hanesan señor Kay Rala Xanana Gusmão ho señor José Ramos Horta iha kapasidade tomak atu lori rai doben ne’e semo aas iha internasionál no bele kontinua fali misaun ida ne’ebé avo Nana (Xanana) luta ba greater sunrise tan seidauk atinze 100% tan ida ne’e mak povu no ami jerasaun foun nia mehi hakarak mina tenki dada mai ita nia rain hodi bele kria kampu servisu barak liután ba ita nia jóven no kombate kiak hodi hakat ba dezenvolvimentu,” deklara Jeferiano Quefi liu hosi konferénsia imprensa iha Delta-4, Dili, sesta (25/02).

MFSHP konsidera luta ba sobera nia tasi Timor-Leste ne’ebé Líder Istóriku Xanana Gusmão ho ekipa Gabinete Fronteira Marítima no Timoroan Fransisco Monteiro no Gualdino da Silva lidera la’ós fasil hasoru nasaun jigante hanesan Austrália ne’ebé riku matenek, no Xanana konsege lori Timor hatudu pozisaun aas iha mundu, tanba prossesu konsilasaun foin primeira vez akontese ba TL hodi lori Austrália ba tribunál resolve ulun malirin ihaTribunál Internasionál Deng-Haq-Olanda.

Iha fatin hanesan, Koordenadór Konsulta Ba Masa MFSHP, Valendinho Auxílio Soares de Jesus informa dadaun ne’e sira organiza hela membru hamutuk ema na’in-  68 iha Suku Komoro Aldeia São José hodi tama sai família sira nia uma hodi buka apoia kandidatu Ramos Horta.

“Ami nia jerasaun fó apoiu tomak Dr. Jose Manuel Ramos Horta husi ami no ami nia membru tomak ne’ebé barak mak foin atu vota primeira véz no ami nia membru hamutuk 68 komesa konsolida malu hodihamutuk ho objectivu atu kontinua luta ba interese estadu no ami jerasaun foun hakarak líder hanesan Dr. Ramos Horta ema ne’ebé hanoin globál no universál ba ita nia rai doben ne’e bele koalia barak liután iha ASEAN no mundu,” nia hatete.

Dadaun ne’e, koordenadór MFSHP ho membru sira hahú konvense sira nia kolega juventude sira buka apoiu Premiadu Nobel da Paz, Ramos Horta no Lider Istóriku, Xanana Gusmão. (remata).

 

 

 

 

 

relavante