banner 728x90

Tamba Númeru Kazu Covid-19 Aumenta, MS esforsu hasa’e kapasidade Mentál Médiku.

banner 120x600

G-RTV News (06/05/2021): Timor Leste nia númeru kazu Covid-19 ba fulan rua ikus ne’e aumenta maka’as, provoka Ministériu Saúde (MS) esforsu liu tan atu hasa’e kapasidade atendimentu ba médiku sira liu husi formasaun abilidade psikososiál báziku.

Ministra Saúde Odete Maria Freitas Belo fó orentasaun ba profesionál saúde sira iha linã oin, atu kapasita mentalidade médiku sira nian atu hatan ba númeru kazu covid-19 iha Timor Leste.

banner 325x300

’Formasaun ne’e atu prepara no orienta pessoál saúde sira responde covid-19 no moras seluk ne’ebé haka’it ho Covid-19 no ida ne’e espesiál ba assuntu mentalidade ema nian. Tamba ita hatene katak durante Covid-19 Ministériu Saúde tuir protokolu OMS atu izola sira ne’ebé pozetivu, husi situasaun ne’e provoka ema nia mentalidade sai at (S3)’’. Espresa Ministra Saúde iha abertura formasaun orientasaun psikolojia iha Novu Turízmu (06/04).

Guvernante ne’e esklarese liu tan katak objetivu husi formasaun ne’e atu bele haklean pessoál saúde sira hodi mentaliza mentalidade di’ák liu tan bainhira hasoru situasaun pressaun psikolozia.

’Dalaruma ami hasoru insultu, asedu sexuál iha fatin izolamentu no teste Swab ba Covid-19 nunu’e presija duni atu prepara di’ák liu tan mentalidade no saúde médiku sira nian hodi halo assistensia ba Covid-19’’, esklarese Odete.

Formasaun ba orientasaun psikososiál ida ne’e, hala’o durante loron rua no partispa ema na’in 30 husi pessoál saúde ne’ebé hala’o kna’ar iha linã oin ba assisténsia Covid-19 iha terrenu.

Jornalista : Julio Paixão / Oza.

Editór : Arménio.

banner 325x300

relavante