banner 728x90

Tan problema rai, derepente JPB tuku FB nia kanoruk to’o monu ba rai

Imajen: Ilustrasaun/google
banner 120x600

G-NEWS (DILI) Tribunál Judisiál Primeira Instánsia Dili (TJPID), halao julgamentu ba krime ofensa Integridade Fízika Simples ne’ebé komete hosi arguidu ho inisial JPB hasoru lezadu ho inisiál FB.

Arguidu JPB hanesan autor material ba krime ofensa integridade Fizika Simples ne’ebé previstu iha artigu 145 iha kódigu prosesu penal.

banner 325x300

Durante perante julgamentu ne’e, iha alegasaun Ministériu Públiku nia haree katak faktus ne’e provadu hotu, tanba arguidu konfesa parsialmente faktus refere.

Ho ida ne’e, Ministériu Públiku entende katak arguidu nia hahalok ne’e prenxe duni krime ne’ebé mak Ministériu Públiku akuza ba nia. Tanba ne’e, Ministériu Públiku husu tribunal atu aplika pena multa ba arguidu tuir nia kondisaun.

Enkuantu parte defeza mós aseita ho alegasaun Ministériu Públiku nian, maibé aplika penal Multa ki’ik ba arguidu tuir sirkurtânsia ne’ebé mak iha.

Tuir akuzasaun hosi Ministériu Públiku katak, iha loron 21 fulan Abril 2021, oras tuku 14:10 Otl, bainhira lezadu FB tur hela iha uma oin varanda, derepente arguidu JPB mosu, la ko’alia buat ida, arguido tuku dala ida ba lezadu nia kanuruk rezulta lezadu monu ba rai.

Hafoin arguido kontinua halo agresaun ba lezadu maibé viziñu sira mosu hodi hapara tiha arguidu nia agresaun.

Konsekuênsia hosi arguidu nia hahalok, rezulta lezadu hetan moras no mean iha kanuruk hodi halo tratamentu iha klínika.

Motivo husi problema ne’e, tanba disputa rai arguidu JPBB komete krime ne’e ho livre delibarada no konsientamente, hatene katak hahalok tuku hanesan meiu ida ne’ebé atu bele hamosu moras no mean ba lezadu nia isin lolon maibé arguidu halo hahalok ne’e nafatin hodi kontra lei.

Arguido JPBB hanesan autor ba material krime ofensa be Integridade Fízika Simples ne’ebé tuir artigu 145 hosi kódigu penal.

Hatan ba akuzasaun ne’e, arguidu deklara katak faktu ne’ebé mak Ministériu Públiku akuza ba nia ne’e loos.

“Iha altura neebá akontese problema ida nee, tanba motivu disputa rai, sira mai hatoo keixa nee mak arguidu nervozu hodi baku lezadu nee,” konfesa arguidu iha sala julgamentu.

Arguidu deklara tán katak, arguidu ho lezadu ne’e sei iha relasaun familia hanesan primu ho prima.

Lezadu deklara, momentu ne’ebá nia la iha problema ho arguidu, maibé derepende arguidu halo deit agresaun hasoru nia.

“Momentu neebá hau tur hau nia iha uma, derepente arguidu mosu mai no tama uma la koalia buat ida, tuku dala ida iha hau nia kanuruk,” dehan lezadu.

Tanba ne’e, lezadu husu ba tribunal singular atu fo hanoin ba arguidu ba futuru la bele kontinua hahalok ida ne’e.

Depois rona tiha parte hirak ne’e, tribunal singular adia hikas prosesu ne’e ba iha loron seluk hodi submete ba desizaun.

Iha audensia Julgamentu ne’e prezide husi juiz singular Alvaro Freitas, Ministériu Públiku reprezenta hosi Prokuradora Benevidas do Rosario, no arguidu hetan asisténsia legál hosi Defensór Públiku Jose Maria da Costa Guterres.

Jornalista       : Ekipa G-News

Editór Testu : Amito Qonusere Araújo

relavante