banner 728x90

Tékniku Indonézia mak sarani “Procuradoria da República de Lautem”

banner 120x600
16 Views

G-NEWS (LAÚTEM) – Relasiona ho naran Procuradoria da República de Laútem, ne’ebé inagura ona hosi Prezidente Repúblika José Ramos Horta, iha kinta-feira (28122023) sai ona preokupasaun públiku tanba naran ne’ebé hakerek fraze balun seidauk kompleta.

Tuir loloos, naran ne’ebé atu hakerek iha edifísiu Ministériu Públiku nian, ne’ebé lokaliza 30 de Agosto-Fuiloro-Lospalos iha munisípiu Laútem mak Procuradoria da Republica de Primeira Instância de Laútem (PRPIL_Red).

banner 325x300

Relasiona ho ne’e, Administrador munisípiu Laútem Domingos Sávio, ba G-News Kinta-feira (04012023) esplika, nia rasik konvida nu’udar konvidadu hodi partisipa serimónia inagurasaun ba edifísiu Procuradória da Repúblika de Primeira Instância de Laútem (PRPIL_Red).

“Ne’e ha’u hanoin katak, Procuradoria Jerál ne’e nian ne’e ema sentral nian. Ne’e mak sira mai halo ninia cabang ne’e iha ne’e. Bele karik, sira ne’e independente, la iha delegasaun territorial ka ou servisu munisipais tanba foin dadauk mai inagurasaun ne’e de’it mós, konsidera ha’u hanesan konvidadu, sira fó de’it karta konvite, tuir loloos entermus koordenasaun sira nasionál mai halo buat ruma iha ne’e, halo koordenasaun ruma, para ami bele fasilita ka oinsa, mais altura ne’ebá sua Exelênsia Prezidente Repúblika mai halo inagurasaun, ha’u hanesan konvidadu ida, partisipa iha ne’ebá, sira mai inagurasaun la iha koordenasaun”, Administrador Munisípiu Laútem Domingos Savio esplika.

“Entaun naran sira ne’ebé iha ne’ebá ne’e, imi tenke husu ba sira, na’in ba edifísiu ne’e, na’in ba projetu ne’e se mak halo, sira mak bele esplika di’ak liu-tán”, nia esplika liu-tán

 Maske Ministériu Públiku konvida Administrador munisípiu Laútem hanesan konvidadu, maibé sira nia parte iha responsabilidade hodi bele asegura seguransa no halo koordenasaun kona-ba erru ne’ebé akontese.

“Kuandu iha buat ruma akontese iha munisípiu ne’e kona-ba edifísiu ne’e, automatikamanete ami iha responsabilidade para, ha’u ho komandante Polísia munisipal para bele fó asegura seguransa ba sira”. Domingos haktuir.

Tuir informasaun ne’ebé Administrador munisípiu Laútem Domingos Sávio hetan hosi fontes kredivel katak, situasaun ne’e urjente, no ekipa hosi Indonézia mak hakerek lia-fuan hirak ne’e iha instituisaun Estadu refere.

“Ida kona-ba hakerek sala ne’e, dalaruma, sala tékniku. Ha’u rona informasaun sira ne’e, ha’u mós kontaktu fontes hirak kredivel (ita labele temi nia naran_red) katak, mumentu ne’e hanesan urjente, Bapa sira, ema Indonézia nia ema mak hakerek, entaun sira kala la komprende sasan ne’e, sira tau de’it, Prezidente da Repúblika inagura no asina. Mais sira mós dalaruma rekoñese ida ne’e, sira dehan laos sala dalaruma letra ruma mka falta”, Autoridade másimu munisípiu Laútem ne’e klarifika.

“Ha’u nia maluk Prezidente autoridade balun no kolega sira telephone ha’u dehan eihhh imi agora sai nasaun ida ona. Ba ida ne’e kompeténsia hosi Prokuradória Jerál da Repúblika nian”, nia kontinua tán.

Tuir Domingos Sávio katak, situasaun ne’e laos problema boot no la afeta buat ida.

“Ha’u hanoin ne’e laos problema boot, ne’e la afeta buat ida, no agora viral hanesan ne’e dalaruma sira haree ona, sira sei mai hadia, tanba altura ne’ebá ha’u mós rona, ami tur hamutuk ho sira prokurador jerál. Mais ida ne’e enjeralmente la afeta ba Laútem, fallansu tékniku ne’e normal. Bainhira sira atu hadia, rekoñese sira nia erru”, Domingos hakotu nia deklarasaun ba G-News.

 Jornalista            : Ekipa G-News

Editór Testu         : Amito Qonusere Araújo

relavante