banner 728x90

TIC TIMOR I.P asina MoU ho IPG ba servisu Teknolójia Informasaun no Komunikasaun

banner 120x600
14 Views

G-News (DILI) – Ajénsia Teknolojia Informasaun no Komunikasau, Institutu Públiku (sigla portugués TIC TIMOR I.P) Asina Memorandum of Understanding (MoU) ho Institutu Petróliu no Geolojia, Institutu Públiku (sigla português IPG I.P) kona-ba Kooperasaun Servisu Teknolojia Informasaun no Komunikasaun iha edifísiu IPG, Delta, segunda (19/12/2022).

TIC TIMOR hanesan Instituisaun Públika hari’i iha VI Governu Konstitusional liuhosi Dekretu-Lei no.29/2017 iha 02 Agostu 2017 no tutela ba Na’i Premeiru-Ministru, ho ninia kompeténsia sira atu implementa estratejia politika Teknolojia Informasaun no Komunikasaun, jere rede Informátika Governu no orgaun estadu nian, inklui jestaun Infraestrutura TIC nian no fornese suporta TIC.

banner 325x300

Iha serimónia asina nota entendimentu ne’e, Diretór Ezekutivu TIC TIMOR I.P Roberto Caitano de Sousa Vicente hateten, atividade asina ne’e hanesan marka pasu foun ida iha esforsu atu alkansa Programa Oitavo Governu (VIII Governu) ba Governu Eletróniku (E-Government). Ho asina MoU ida-ne’e IPG mós kontribui ona redus gastus ne’ebé durante ne’e utiliza la tuir ninia dalan.

“Liuhosi servisu hamutuk ida-ne’e, IPG mós sei kontribui ba esforsu TIC TIMOR I.P. nian servisu hodi hamenus gastu lanesesariu sira iha área Informatika, sentraliza no asegura dokumentu no informasaun iha Sentru-dadus Governu”, dehan Diretór Ezekutivu TIC Timor, Roberto iha ninia diskursu.

Prezidente Administrasaun TIC TIMOR ne’e mós esklarese, TIC TIMOR I.P. intende papel importante Instituto do Petróleo e Geologia (IPG) nian, hanesan Institutu Publiku ne’ebé estabelese liuhosi Dekretu Lei Nu. 33/2012, razaun ne’e kooperasaun Servisu Teknolojia, Informasaun no komunikasaun (TIC) importante tebes ba papel IPG nian, tanba TIC bele dezenvolve tuir nesesidade IPG nian iha kurtu, mediu no longu prazu hodi fasilita di’ak liután prestasaun servisu kona-ba responsável ba setor petrolíferu no rekursu minerais, enjeñeria, planeamentu no jestaun ambiental nian iha rai laran.

Ajensia TIC TIMOR bele transforma servisu IPG nian ne’ebé iha agora mais elektróniku, liuhusi utilizasaun servisu Teknolojia, Informasaun no Komunikasaun.

Iha biban ne’e Diretór mós hato’o ninia agradesimentu ba estrutura IPG tomak tanba fó ona konfiansa ba TIC TIMOR hodi apoíu servisu ne’ebé ligadu ho teknolojia.

“Ha’u hato’o obrigadu barak ba, Instituto do Petróleo e Geologia (IPG, I.P.), nia konfiasa no fiar mai ami hanesan Tékniku Timoroan, ne’ebé iha ona kuñesimentu ne’ebé di’ak tebes hodi fornese solusaun Informatika ba ita-boot sira. Prezidente no Tékniku sira husi IPG nian ne’ebé hahú ona kolaborasaun di’ak tebes nune’e bele hahú marka pasu foun ne’e hodi la’o ba futuru ho kualidade liuhosi dalan governu-elektróniku”, agradese Diretór.

Iha fatin hanesan Prezidente IPG Gabriel Gaspar Aparício de Oliveira agradese ho apoíu ne’ebé TIC Timor fó tanba nesesidade servisu IPG nian presiza tebes teknolójia.

“Apoíu hosi TIC ne’e diak tebes ba nesesidade IPG nia, progresu servisu ami sempre preokupa ho dadus tanba ne’e ami hakarak tebes integradu iha fatin ida. Agradese tebes ba apoiu ne’ebé TIC fó mai ami, marka istória ida ba kooperasaun servisu hodi apoíu ami liga ba iha servisu IPG nian ne’ebé liga ba Petróleo no Geologia ne’ebé presiza tebes teknolojia no informasaun sira ne’ebé bele jere dadus sira iha fatin ida”, haktenik Prezidente ne’e.

Ho Asina Nota entendimentu ne’e fahe ba komponente ha’at (4) hanesan:
1) “Internet Protocol Address” ho ninia rekijitus nesesáriu hodi estabelese enderesu sistema portal web application.
2) “Internet Protocol Address ” ho ninia rekijitus nesesáriu hodi estabelese enderesu ba sistema Jestaun Rekursu Umanu no Patrimóniu sira.
3) Estabelesimentu servisu ba Ekipamentu Seismometer IPG nian.
4) Sistema aplikasaun no servisu konetividade nesesáriu sira-seluk ne’ebé presiza atu dezenvolve no fornese iha futuru.

Iha biban ne’e mós asina Service Level Agreement ( SLA) ne’ebé asina hosi Diretór Diresaun Identidade Ùniku (IDU), Florindo Guterres da Costa ho Prezidente IPG Gabriel Gaspar Aparício de Oliveira.

Ho Nota Entendimentu ida-ne’e Instituto do Petróleo e Geologia (IPG) hola parte hamutuk ho Ajénsia Estadu lima-nolu-resin-tolu (53) ne’ebé maka agora dadaun uza servisu informatika iha TIC TIMOR.

Editór Textu: Amito Qonusere Araújo

relavante