banner 728x90

Timor Iha Ona Variante DELTA, Possibilidade Sei Halo ”Lockdown” Totál bá Territóriu Nasionál

Ministra Saúde, dra. Odete Maria Freitas Belo // Foto: Armenio.
banner 120x600
16 Views

G-RTV.com (DILI): Hafoin remata enkontru ho ekipa Sentru Integradu Jestaun Krize (SIJK), Ministra Saúde deklara liu husi konferénsia imprensa katak Timor iha ona Moras Covid-19 ho nia variante DELTA ne’ebé mak sai preokupasaun públiku nian.

‘’Ohin enkontru ho SIJK no sira fo infomasaun ne’ebé presija atu fo sai iha públiku katak, rezultadu sekuénsiasaun zenómika husi amostra 300 ne’ebé laboratórium nasionál saúde haruka bá Australia iha loron 14 fulan jullu tinan 2021, hatudu katak amostra husi ema na’in 4 (Sidadaun nasionál na’in 3, estranjéiru na’in 1)  tama husi indonézia iha loron 25 fulan Juñu no loron 08 fulan ida ne’e, hatudu rezultadu iha variente Delta’’. Hateten Ministra Saúde, dra. Odete Maria Freitas Belo iha Sala Konferénsia, SIJK, Sexta ne’e.

banner 325x300

Nia informa liu tan, pasiente ne’ebé detetadu oras ne’e na’in tolu (3) izola hela iha sala izolamentu no kuarantena maibé indonéziu ida fila bá uma ona.

‘’Na’in 4 ne’ebé detetadu, iha hotu kuarantena no izolamentu, maibé sidadaun indonéziu fila ona bá uma, sidadaun Timor nafatin iha sala izolamentu ho statutu bá na’in rua nian ho  asintomátiku no ida seluk sintomátiku ne’ebé oras ne’e iha sala izolamentu vera-cruz’’. Informa guvernante ne’e.

SIJK nia rekomendasaun ba guvernu mak haruka taka fronteira terrestre, Aeroportu, la iha auto-izolamentu no kuarantena iha uma, no Timor Leste bele fila fali bá situasaun tinan 2020 nian, tenke preparadu ba ida ne’e, Subliña fontes ne’e.

Jornalista : Arménio.

relavante