banner 728x90

Timoroan kreativu hala’o negósiu maibé “Governu mak duni”

banner 120x600
56 Views

G-NEWS (DILI) – Timoroan sira ne’ebé hala’o atividade negósiu iha kapitál Dili sente la seguru tanba autoridade seguransa Munísipiu Dili duni atividade faan sasan.

Tuir observasaun G-News iha área tasi ibun Pantai Kelapa, joven sira barak mak hala’o atividade faan ikan, faan nuu maibé sente la seguru tanba tauk asaun hosi ekipa SAS ne’ebé sempre uza forsa hodi impede sira nia atividade negósiu, no pior liu hadau sira nia sasan.

banner 325x300

Kinta-Feira (23032023) dáder, joven ida Luis, ne’ebé faan ikan iha tasi ibun hateten ba G-News katak, durante ne’e sira nia parte tauk atu hala’o atividade faan ikan, inklui faan nuu tanba parte SAS Munisípiu Dili sempre duni.

“Ami la seguru. Ami faan mais ami nia hanoin no matan sempre haree SAS ho Polísia mai duni ne’e”, Nia lamenta.

Iha parte seluk, sidadaun ida faan ikan iha Largo de Lecidere informa mós ba G-News katak, durante ne’e timoroan barak mak gosta sosa ikan fresku iha zeleira.

” Sira barak ba sosa ikan iha jeleira. Ami iha ne’e faan mós ema la dun sosa. Dehan ikan fresku mak diak, ne’ebé sira hakarak ba sosa hotu iha loja Xina nian”, tenik nia.

Alende ne’e, sidadaun ida mós faan nuu iha Pantai Kelapa dehan, ikus-ikus ne’e ekipa SAS Dili ladun duni ona atividade faan ikan, maibé kuandu akontese depende tenpu.

“Ha’u faan nuu ne’e diak, maibé ita tauk mak Governu sira duni hela deit. Ami hanesan fali bainaka ba ita nia rain rasik. Dehan Xina sira domina negósiu, ne’e loos, tanba sira iha modal, bee ita sira ne’e se mak atu apoiu. Entaun ita halo neneik sustenta ita nia nesesidade família”, tenik Nia.

Foin lalais ne’e, deputada Bankada Fretilin kestiona kona-ba kreatividade timoroan sira iha atividade negósiu katak, no maiória Xineza mak okupa negósiu iha kapitál Dili, inklui mós iha nível munisípal.

Jornalista     : Ekipa G-News
Editór Testu : Amito Qonusere Araújo

relavante