banner 728x90

Timoroan na’in-10 sei ba servisu área indústria fábrika Roo iha Japaun

Imajen: Diretór jerál Sekretariu Estadu Formasaun Professional no Empregu (SEFOPE) Carlito do Rosário Cabral (Foto: Martinho Belo)
Imajen: Diretór jerál Sekretariu Estadu Formasaun Professional no Empregu (SEFOPE) Carlito do Rosário Cabral (Foto: Martinho Belo)
banner 120x600
11 Views

G-NEWS (DILI) – Diretór jerál Sekretariu Estadu Formasaun Professional no Empregu (SEFOPE) Carlito do Rosário Cabral informa, kompaña ida hosi  nasaun Japaun iha fulan-Abril tinan ne’e rekruta ona timoroan na’in-10 ne’ebé dadaun ne’e hein hela prosesu atu ba servisu.

Carlito do Rosário Cabral, hato’o lia hirak ne’e, hafoin partisipa serimónia despedida, ba traballador timoroan ba Australia, iha Suai Room Timor Plaza, segunda-feira (13042024).

banner 325x300

“Nasaun Japaun kontente teb-tebes atu simu timoroan ba servisu iha Japaun iha área industria fábrika roo nian, ho nia baze mak hatene lian Japaun”, Carlito do Rosário Cabral.

Notísia Relevante: Timoroan na’in-10 sei ba servisu área indústria fábrika Roo iha Japaun

“Foin dadauk iha fulan kotuk ne’e, kampaña rasik mak mai halo rekrutamentu ne’ebé na’in sanulu mak passa ona no dadauk ne’e hein hela prosesu atu ba servisu”.

Tuir nia, kooperasaun Timor Leste no Japaun ne’e atu fasalita sidadaun sira nia kapasidade nomos bele hetan rendimentu hodi sustente ekonómia família nian no dezenvolve nasaun Timor Leste.

“Kooperasaun ne’ebé Japaun no Timor Leste halo ne’e ho intensaun atu aprende buat foun, nomos hetan osan atu nune’e mai hadia ekonómia família nian nomos hadia ita nia rain. Iha momemntu sira mai fo teste ne’e, sira hateten; nasaun barak mak sira fó ona teste maibé laiha kandidatu ida mak hateten dehan atu ba servisu hodi mai hadia ninia rain, maibé sira servisu hodi hadia  sira nia rain, maibé Timoroan atu ba aprende hodi mai atu hadia ninia nasaun tamba ne’e sira kontente”,  haktuir Diretór-jerál SEFOPE.

Entretantu, Timor Leste ho Japaun dadaun ne’e asina ona Memorandum of Cooperation hamutuk tolu ba iha área agrikultura hamutuk na’in rua no industria na’in ida.

Daudaun ne’e, Timoroan hamutuk na’in 14 ne’ebé hala’o hela servisu iha área agrikultura iha provinsia Kochi Japaun.

Jornalista            : Martinho Belo

Editór Testu         : Amito Qonusere Araújo

relavante