banner 728x90

Tinan 20 Restaurasaun Independénsia, Mandatu Horta Hakarak Hakbesik Bá Povu

Foto : Julio Paixao
banner 120x600

Jornalísta : Arménio //

 G-RTV.com (Dili) : Ohin, Timor Leste komemora tinan 20 restaurasaun independénsia nu’udár mós momentu-ás liu iha istória hafoin Indonézia husik nia ukun durante tinan 24.

banner 325x300

Iha komemorasaun nasionál ne’ebé hala’o iha palásiu prezidente ne’e, sai mós diskursu da-uluk prezidente repúblika (PR) foun, José Ramos-Horta ne’ebé afirma, durante nia mandatu hakarak hakbesik-án bá povu.

‘’Ha’u nia prezidensiál sei sai prezidénsia ida nakloke, assesível, solidária, no besik bá povu. Sei sai prezidente ne’ebé aposta kreatividade bá realizasaun ema ki’ak sira, inan no kosok-oan sira,’’ Haktuir iha diskursu PR períodu 2022-2027, José Ramos-Horta iha palásu prezidente, sexta Feira  ohin, 20/05/2022.

Nia mós sei intensiva hodi hamoris fila-fali programa sira ne’ebé aposta bá promossaun iha area arte no kultura inklui desportu.

‘’Durante mandatu sei lansa fila-fali inisiativa popular hanesan objetivu atu promove revitalizasaun tuir mandatu uluk iha nível nasionál iha area sira hanesan arte no kultura, desportu, protesaun ambientál ho kolaborasaun estreita hamutuk ho guvermentál,’’ Dehan Horta.

Iha primeira mandatu prezidensiál 2007-2012, atividade ne’ebé sempre sai programa anuál prezidesiál mak hanesanTour de Timor, Dili Internasionál Marathon, peska desportiva, festival kultura no múzika ramelau, festival sinema, desportu no kultura.

Hafoin programa prezidensiál hirak ne’e paradu durante mandatu períodu rua, Horta hakarak hamoris fali programa hirak ne’e nu’udár insiativa populár.

Premiadu nóbel bá páz ne’e, iha mós komprimissu ida atu nafatin prioritiza diálogu nasionál tuir komprimissu kampaña eleitorál hodi garante páz no estabilidade iha Timor Leste.

(REMATA).

banner 325x300

relavante