banner 728x90

Tinan 6 ezisténsia Partidu PLP, KHUNTO kongratula,  Nicolau dehan

Logo PLP / Foto : Esploridu.
banner 120x600
57 Views

G-RTV.Com (Dili): Partidu Libertasaun Popular (PLP) ezisté nu’udár partidu polítiku ida iha nasaun Timor Leste, iha loron 9 fulan novembru tinan 2015.

Ho aniversáriu ba dala-6 iha tinan 2021 ida ne’e, Partidu Kmanek Haburas Unidade Nasionál Timor-Oan (KHUNTO), liu husi I° Vise-Prezidente, Eng. Nicolau Lino Freitas, husi via-WhatsApp bá G-RTV.com hateten, Partidu Khunto hato’o kongratulasaun ba partidu PLP.

banner 325x300

’ Ami nia votu parabéns bá PLP inklui fundadór tomak, bá valór no prinsípiu inklui polítika partidu nian ne’ebé sai hanesan orgullu bá militante sira no Timor Leste nian’’,  dehan atuál vise-Ministru Obras Públika , iha kuarta ne’e.

Nu’udar koligasaun iha guvernu, Vise-prezidente partidu KHUNTO ne’e reforsa tan nia kongratulasaun ho lian esperansa bá partidu PLP.

‘’Ami nia felisidade rohan laék bá komemorasaun ezistensia PLP ho deseju no esperansa katak bá futuru ne’ebe sussesu no di’ák liu tan’’, tenik Vise-Prezidente ne’e.

Entertantu, partidu PLP ho nia motto : HISIK KOSAR BA MORIS DI’ÁK’’, atualmente nu’udár bankada ida iha Parlamentu Nasionál ho kadeira 8 no prezidente partidu Taur Matan Ruak  assume kargu nu’udár Primeiru Ministru iha VIII Guvernu Konstitusionál ho forma koligasaun hamutuk ho partidu FRETILIN no KHUNTO.

Provizoriamente PLP lidera husi Abrão José Freitas ‘’Mate-Restu’’ ho kargu hanesan prezidente Interinu, substitui Prezidente PLP, Taur Matan Ruak, hodi kontinua missaun tomak partidu nian hahu iha tinan 2018 to’o hala’o kongressu nasionál bá dala rua.

 

Jornalista : Arménio.

Editór : Ekipa G-RTV.com.

relavante