banner 728x90

TLPU sei kontesta PA-RAEOA, husu demite protokolu Aquito

Imajen - Sekretáriu-Jerál TLPU Zezito da Silva
banner 120x600
251 Views

G-NEWS (DILI) – Organizasaun Jornalista Timor Leste Press Union (TLPU) sei hato’o karta kontestasaun ba Prezidente Autoridade Rejiaun Administrativa Espesiál Oecusse-Ambeno  (RAEOA) Rogerio Tiago Lobato, iha kinta-feira (06062024) aban, kona-ba kazu protokolu PA-RAEOA Aquito Roxaca Guterres ne’ebé rasta monu Jornalista destakadu Ajênsia Notisiozu TATOLI.IP Abilio Elo Nini, bainhira hala’o kobertura ba serimónia RAEOA ho TIMOR AID ne’ebé selebra akordu ba estabelesimentu muzeum Pais-Timor iha Oecusse.

Karta kontestasaun hasoru Prezidente PA-RAEOA tanba konsidera, protokolu PA-RAEOA Aquito Roxaca Guterres kontra makaas artigu 41 Lei Komunikasaun Sosiál kona-ba atentadu ba liberdade informasaun.

banner 325x300

SekJer TLPU kondena karta notifikasaun PCIC hasoru jornalista

Sekretáriu-Jerál Timor Leste Press Union (TLPU) Zezito da Silva, ba G-NEWS, kuarta-feira (05062024) husu ba protokolu PA-RAEOA Aquito atu respeita liberdade imprensa, sein impedimentu ba servisu jornalista.

Timor-Leste Press Union husu ba Aquito atu labele uza forsa hodi hamonu jornalista ne’ebé halao nia atividade jornalístika iha terenu. TLPU husu ba Aquito atu labele hatudu ita boot nia jeitu premanizmu hodi hasoru jornalista iha kampu”, Sekretáriu-Jerál TLPU ne’e hato’o lia-makaas kona-ba kazu ne’e. 

TLPU sei lá tolera aktus ne’ebé protokolu PA-RAEOA komete hasoru Jornalista, no konsidera aktus ne’e nu’udar  hahalok bandidu hasoru jornalista ne’ebé hala’o servisu servi povu liuhosi informasaun.

TLPU “alerta” ba Aquito, sem intervensaun servisu jornalista”,

Ho prezensa Sinza Max Stahl , AJTL no TLPU husu estadu atu atribui naran avenida ruma

TLPU husu ba Prezidente Autoridade RAEOA Rogério Tiago Lobato, atu fó xamada ka demite protokolu PA-RAEOA Aquito Roxaca Guterres hosi RAEOA tanba estraga dignidade no integridade Prezidente nian iha públiku.

Entertantu, Protokolu Prezidente Autoridade RAEOA Aquito Roxaca Guterres rasta monu Jornalista destakadu Ajênsia Notisiozu TATOLI.IP Abilio Elo Nini, bainhira hala’o kobertura ba serimónia RAEOA ho TIMOR AID ne’ebé selebra akordu ba estabelesimentu muzeum Pais-Timor iha Oecusse.

Aleinde ne’e, protokolu ne’e mós tenta atu tuku tán Jornalista destakadu TATOLI.IP iha RAEOA bainhira Jornalista Abilio Elo Nini husu protokolu ne’e kona-ba rajaun rasta monu iha públiku nia oin.

Protokolu PA-RAEOA rasta monu jornalista TATOLI no tenta atu tuku tán

Tuir Lei komunikasaun sosiál, artigu 41 kona-ba atentadu ba liberdade informasaun;
1. Sei hetan pena-prizaun to’o tinan-rua ka multa ba ida ne’ebé mak;
a. Impede ka perturba kompozisaun, impresaun, distribuisaun no sirkulasaun livre hodi halo publikasaun

  1. Tahan publikasaun sasá de’it
  2. Tahan ka hahaat matérial sasá de’it ne’ebé presiza hodi hala’o atividade jornalístik
  3. Impede asesu livre Jornalista nian iha fatin públiku ka ekipa órgaun imprensa nian
  4. Hala’o aktu seluk sasá de’it ne’ebé perturba, impede hamosu ka hamenus kapasidade hodi hala’o atividade jornalístika nian haktuir lei ida-ne’e.
  1. Funsionáriu públiku ka ajente Estadu, ne’ebé komete atentadu ba liberdade imprensa sei hetan kastigu ho pena-prizaun to’o tinan tolu ka multa.
  2. Tentativa nu’udar punivél
  3. Responsábidade kriminál infrator nian, la hahaat direitu hodi fó indeminizasaun tuir saida mak hatuur iha rejime jerál responsabidade sivíl nian.

Editór Testu : Amito Qonusere Araújo

relavante