banner 728x90

TR anunsia númeru sorteiu elpar 2023, CNRT okupa 12

banner 120x600
55 Views

G-NEWS (DILI) – Kuarta-Feira (29032023), Tribunal Rekursu anunsia ona rezultadu númeru sorteiu ba partidu polítika hamutuk 17 ne’ebé mak sei kompete iha Eleisaun Parlamentar iha loron 21 fulan Maiu tinan 2023.

Iha anúnsia númeru sorteiu ne’e, Partidu Dezenvolvimentu Nasionál (PDN) okupa númeru 1, númeru 2 okupa hosi Partidu Liberta Povu Aileba (PLPA), Partidu Libertasaun Popular okupa númeru 3, Partidu Demokrátiku númeru 4, Partidu KHUNTO iha númeru 5, númeru 6 ba Partidu Os Verdes Timor (PVT), Partidu númeru sorteiu 7 ba Partidu UDT, númeru ba Partidu Unidade Dezenvolvimentu Demokrátiku (PUDD) ho númeru 8, Partidu Repúblikanu (PR) ho númeru 9, númeru 10 ba Partidu UNDERTIM, númeru 11 ba Partidu FRETILIN, númeru 12 ba Partidu CNRT, CASDT ho númeru 13, númeru 14 ba Partidu MPLM, Partidu PST ho númeru 15, númeru 16 ba Partidu PDC, númeru ikus 17 ba Partidu APMT.
Prezidente Tribunal Rekursu Deolindo dos Santos hateten ba Jornalista sira katak, ho rezultdu ne’e númeru sorteiu ne’e, sei fó konhesimentu ba sidadaun tomak iha rai laran no rai liur atu prepara hodi ezerse votus iha loron eleisaun ne’ebé determina ona.

banner 325x300

Iha fatin hanesan, Prezidente CNE José Agustinho Belo dehan, CNE sei servisu makas hodi fó susesu ba eleisaun parlamentar tinan ne’e.

Reprejentante Partidu CNRT Joãozito Viana kontente ho númeru sorteiu 12 ba Partidu CNRT tanba númeru ne’e nia konsidera hanesan úmeru vitória.

Iha públikasaun númeru sorteiu ba Partidu Polítika sira, partisipa hosi Prezidente Partidu balun, no reprejentante partidu sira, sosiedade sivil, observador polítika sira.

Jornalista     : Ekipa G-News
Editór Testu : Amito Qonusere Araújo

relavante