banner 728x90

TR aplika TIR ba fuzitivu Arnolfo Jr, maibé hetan seguransa hosi ekipa konjunta

banner 120x600
71 Views

G-NEWS (DILI) — Tribunál Rekursu aplika mandadu detensaun ba sidadaun Filipinu fuzitivu Arnolfo Alipit Teves Junior iha ninia rezidénsia Top Golf iha Metiaut, Dili.

Tuir dokumentu ne’ebé G-NEWS asesu katak, Iia mandadu detensaun, ho númeru referénsia NUC: 0024.TRDIL, pro númeru. 48/INQ/2024/TR, fó orden atu aplika mandadu detensaun hanesan haktuir mai ne’e.

banner 325x300

“Ha’u fó orden, hodi atu detein no lori mai Tribunál ida ne’e, ema ida ne’ebé identifika tuir mai iha okos, ba tempu ne’ebé mak presiza hodi rona no sei aplika medida koasaun ida tuir dispozisaun no fundamentu legal iha artigu 184 nó 2 (segunda parte) no 217 no 1 aliña b) Kódigu Prosesu Penal e 3 n 2 Lei 15/2011, loron 26 fulan-Outubru, katak bainhira halo detensaun, tenke entrega orijinál mandadu ne’e nian ba detidu ne’e, katak, tenke sertifika oras no loron ba detensaun”, haktuir hosi Juiza iha loron 10 fulan-Juñu tinan 2024, liuhosi karta, ne’ebé G-NEWS asesu.

Dokumentu seluk ne’ebé G-NEWS asesu sesta-feira (14062024) katak, iha loron 12 fulan-Juñu tinan 2024, Tribunál Rekursu liuhosi Juiza, ne’ebé asina Ordem Tribunal Rekursu, hodi aplika mandadu kondusaun ba prizaun Domisiliariu, ba sidadaun Filipino fuzitivu Arnolfo Alipit Teves Junior, ho obrigasaun atu hela metin iha ninia rezidénsia, nune’e hodi hein regra sira kona-ba prosesu ekstradisaun tuir mai, tuir artigu 193 hosi Kódigu Prosesu Penal.

“Ha’u halo detensaun ba individu ida-ne’ebé mak refere iha mandadu ida-ne’e, bainhira ha’u entrega tiha ba nia kópia mandadu ne’e nian”, sertidaun hosi Tribunal Rekursu, ne’ebé fó sai iha loron 12062024, ne’ebé G-NEWS asesu iha sesta-feira (14062024).

Dokumentu seluk kona-ba Termu Identidade Rezidénsia, ho númeru NUC 0024/24.TRDIL, tuir artigu 186 hosi Kódigu Prosesu Penál, iha loron 12 fulan-Juñu tinan 2024, ba ekstraditandu Alnolfo Alipit Teves Junior katak, ne’ebé asina hosi ofisial Justisa katak, fuzitivu Arnolfo Jr. tenke fó, no loloos, ninia identifikasaun kompletu no ninia hela-fatin, servisu-fatin ne’ebé bele notifika nia iha lalaok prosesu nian.

“Tenke aprezenta an iha autoridade kompetente nia oin, no mosu beibeik ne’ebé lei obriga ka nia arguido hetan tiha ona notifikasaun”, kontinua.

“Tenek fó-hatene ninia hela-fatin foun ka fatin ne’ebé bele hetan nia bainhira muda nia hela-fatin ka nia la hela tiha ona liu loron 15 iha nia hela-fatin ida uluk”.

“La haktuir buat ne’ebé hakerek tuir lei, nia aprezentasaun hosi defensór iha atu prosesu hotu-hotu ne’ebé niha direitu no obrigasaun tenke marka prezensa, notifikasaun fó-sai iha loron ne’ebé marka tiha on aba audiensia julgamentu nian tuir artigu 257, no hala’o audiénsia tiha ona nia la mai tuir audiénsia liubá, nune’e dehan katak halo tiha ona duplikadu autu ida-ne’e nian, no entrega ezemplár ida ba arguido ne’ebé sei asina”, hakotu deklarasaun. 

Ekipa ne’ebé mak fó seguransa ba iha Fuzitivu Arnolfo Teves Jr iha nia rezidénsia Top Golf Metiaut, kompostu hosi, PNTL Departementu Investigasaun Kriminal, Departementu Informasaun Polisia, Batallaun Orden Publiku hosi Kompania Alfa, no Unidade-FALINTIL.

Editór Testu : Amito Qonusere Araújo

relavante