banner 728x90

Tribunal movel atende kazu-5 Iha Ermera

banner 120x600

G-NEWS (DILI) — Juis Administradór Tribunal Distritál Dili (TDD), Afonso Carmona hatete, iha semana kotuk iha loron Kinta (30/03) halo julgamentu ba kazu lima iha Munisípiu Ermera, semana kotuk.

Juis Administradór Tribunal Distritál Dili (TDD), Afonso Carmona hato’o asuntu ne’e ba jornalista sira iha nia knaar fatin Tribunál Distritál Dili (TDD), Bebora, Kuarta (05/04).

banner 325x300

“Iha semana kotuk, ita hala’o tribunal movel iha munisípiu Ermera, kazu hamutuk 6, maibé iha kazu lima ita deside kedas, tanba ida mai fali Dili, tanba ne’e ita la konsege deside,” nia dehan.

Nia hateten, kazu ida tribunal movel la konsege deside, tanba lezadu no arguidu sira mai fali iha Dili no pelu kontráriu juis sira ba iha fali Ermera.

“Ha’u verifika sira, no problema saida mak ita ba iha Ermera sira mai Dili, tanba kazu ida ne’e hetan suporta husi Alfela mak fasilita sira ho transporte sira mai ho ba, tanba ne’e mak kazu Alfela ou ONG sira kaer ne’e ami tenke marka iha Dili ne’e, tanba sira mak fasilita ema mai,” nia dehan.

Hosi juis sira deside, sira ne’ebé mak ONG sira fasilita transporte ne’e, sei la halo julgamentu movel, maibé sei halo julgamentu movel ba sira ne’ebé mak la hetan fasilita ka apoiu husi ema seluk.

Nune’e mós kazu sira ne’ebé tribunal halo julgamentu movel iha munisípiu rua ne’e, maiória violénsia Doméstika.

Alende nia dehan, antes sira ba halo julgamentu movel iha Liquiça ne’e, pelu kontráriu ho Ermera, tanba Ermera ne’e desizaun kedas no maibé iha Liquiça ne’e la iha no ohin mak atu halo desizaun.

Molok ne’e, Juis Administradór Tribunal Distritál Dili (TDD), Afonso Carmona hatete kona ba tribunal movel komesa hala’o ona iha Munisípiu sira.

“orseheik iha loron Kinta (23/03) ita halo Tribunal movel iha Munisípiu Liquiça iha kazu hitu ( 7) mak ita konsege realiza hotu,” dehan Juis Administrador Carmona.

Nia hatutan Kazu Hitu ( 7) neebe mak tribunal movel konsege realiza hotu nee iha kazu violensia Doméstika neen (6) no ida a krime ofensas simpres korporasi mak horsehik resliza.

“Orseik ne’e hanesan prosesu diak no loron diak, tanba arguidu ho lezada sira balun maihosi Liquiça no balu mai husi Maubara parte Loes nian, entaun orseik tribunal movel iha Liquiça ne’e resolve hotu, tanba ne’e Tribunal movel sente kontente, tanba dala ruma ita ba hanesan ema la mosu,” dehan Juis Administrador.

Juis ne’e haktuir, Kazu orsehik ne’e konsege rezolve hotu, entaun Tribunal movel mos la konsege deside, tanba tempu.

“Ita hakarak deside kedas iha loron orseik, maibé tanba kazu hitu kedas entaun ita fahe tempu la to’o entaun ita tenta produz prova para sira nia prosesu hotu, tanba ita tauk la realiza sira nia prosesu,” nia hateten.

Alende nia dehan, kazu hitu ne’e, sira ne’ebé mak hela iha Tibar ne’e, bele mai iha Tribunal Distritál Dili para tuir leitura, maibé ida iha Maubara ne’e, tanba dook liu entaun ita despensa atu nune’e sira la bele mai iha ne’e, arguidu sira ne’ebelé mak hela iha besik ne’e, mai iha loron 5 fulan Abríl tinan ne’e, hodi rona despxu iha Tribunál Distritál Dili.

Jornalista      : Ekipa G-News
Editór Testu  : Amito Qonusere Araújo

relavante