banner 728x90

Triste ho inséndiu iha Taibesi: PR Horta

banner 120x600
31 Views

G-NEWE (DILI) – José Ramos-Horta, triste ho inséndiu ne’ebé akontese iha merkadu Taibessi iha loron Kinta-Feira, 22 Dezembru 2022 kalan.

Sentimentu Xefe Estadu ne’e transmite husi Asesór Prezidénsia Repúblika ba Assuntu Sosiedade Sívil, Quintiliano Moniz Carvalho, hafoin distribui apoiu ba família 53, ho membru família 356, ne’ebé sai vítima ba inséndiu iha Merkadu Taibessi.

banner 325x300

“Horikalan Prezidente Repúblika, Horta iha Fatubesi (Ermera) hare iha notísia, Nia hakfodak no triste, tambá ne’e mak Xefe Estadu orienta kedas ami, husi Assesoria Sosiedade Sivíl iha Gabinete Prezidensiá, atu bele prepara netik nessesidade bázika urjente ruma,’’ haktuir Assesor Quintiliano Moniz Carvalho.

Sasan ne’ebé Prezidénsia oferese ba vítima sira mak hanesan, mina teín, biti, hahan no seluk tan.

“Sasan ne’ebé Prezidénsia Repúblika oferese mak mina ba tein, biti, hahan hodi aguenta iha loron hirak mai oin, no Prezidente Repúbkia hato’o mos solidariedade ba sira (Vítima Inséndiu), lolos Xefe Estadu marka Prezensa ohin, maibé tanbá iha enkontru importante ida iha loraik ne’e, tanbá ne’e mak ami reprezenta mai,’’ Esplika Quintiliano Moníz.

Assesór nuúdár reprezentante Xefe Estadu premote koopera ho Ministériu Soliedariedade Sosiál, atu kontinua tulun vítima sira.

“Ohin ami hare ho matan rasik, alin balun moras ho kondisaun toba iha rai, lakon sasan barak, inan balun gravida (isin rua), nune’e ita sei hare hodi kopera ho ministériu relevante sira, atu ajuda sira iha konstrusaun uma no tratamentu dokumentu, inklui tratamentu ba labarik no inan sira’’ promete Assesor ne’e.

Ekipa Prezidénsia Repúblika mós identifika inan-feto ida ho naran Natália de Fátima Eli, hamutuk ho nia oan-mane ho idade tinan ida resin ne’ebé iha kondisaun moras.

“Momentu akontesimentu ha’u ho ha’u nia oan ne’e iha uma laran, ami salva-án de’it, triste liu mak ami rua mesak, ha’u nia laen iha RAEOA, ami negosiante ambulante no oras ne’e ha’u nia oan isin manas hela,’’ haktuir Natália ho laran triste.

Iha fatin hanesan, Reprezentante vítima, agradese ba apoiu ne’ebé oferese husi Prezidente Repúblika no husu trata sira nia dokumentu importante ne’ebé lakon iha inséndiu ne’e.

‘’Ami fó obrigadu ba Na’in Prezidente Repúblika ne’ebé ajuda ona sasan, maibé ami ezize mak ami nia dokumentu, tanba sasan ne’ebé ahi-han ami la sura, importante mak dokumentu de’it,’’ expressa vítima Julito Filomeno.

Editór Textu: Amito Qonusere Araújo

relavante