banner 728x250

UE no PITL lansa projetu eleisaun ho Demokrátika no Inkluziva

banner 120x600

G-News (DILI) – Uniaun Europeia (UE) no Plan Internasionál Timor Leste (PITL) lansa projetu foun hodi promove eleisaun demokrátika no Inkluziva iha Timor Leste.

Liuhosi Diskursu, Diretóra Interina Plan Internasional Timor Leste Fátima Estrela Soares, lori parseria implementador sira, hato’o grantidaun profundu ba uniaun Europeia nomos Instituisaun Governu balun ne’ebé suporta ona sira ba Projetu refere.

banner 325x300

“Hodi Plan Internasionál Timor-Leste, ami-nia parseiru implementador; ADTL, Belun, JPIC, Pátria, MOFFE & Caucus, Ha’u hakarak hato’o ha‘u-nia profundu gratidaun ba Uniaun Europeia ne‘ebé fornese apoiu finanseiru ba implementasaun projetu ne’e. Aleinde ne’e, ha’u mos hakarak hato’o ha’u-nia apresiasaun ba instituisaun Governu sira hanesan; CNE & STAE ne’ebé suporta ona iha prosesu dezenvolve projetu, no sei suporta mos intervensaun sira hotu husi projetu ne’e. Projetu ida ne’e sei kontribui ba partisipasaun inkluziva iha Estadu demokratiku Timor-Leste,” dehan Diretora Interna Plan International Timor-Leste Fátima Estrela Soares, iha Salaun Delta Nova Comoro Kinta Feira (09-02-2023)

Embaixador Uniaun Europeia ba Timor Leste Marc Friedrich Hateten, Uniaun Europeia kompromete hodi apoia demokrásia no direitus umanus iha Timor-Leste, hodi  kapasita asaun hosi sosiedade sivil hodi reforsa esforsu governu no povu Timor-Leste.

“Uniaun Europeia kompromete hodi apoia demokrásia no direitus umanus iha Timor-Leste, Ami kapasita asaun husi sosiedade sivil hodi reforsa esforsu governu no povu Timor-Leste hodi hari’i demokrásia ida ne’ebé forte no sustentável, mai ita hako’ak ita-nia devér síviku, hato’o kestaun sira ho di’ak no servisu hamutuk hodi kria futuru ne’ebé nabilan, liuhosi poder eleisaun ne’ebé livre no justu ” Espresa Marc Friedrich, Embaixador Uniaun Europeia iha Timor-Leste.

PITL ho Organizasaun Sosiedade Sivil sira sei servisu direta ho institusaun Governu hanesan; Komisaun Nasional Eleisaun (CNE) no Sekretariadu Tékniku Administrasaun Eleitoral (STAE), estasaun radiu komunidade Sira, partikularmente polítiku sira iha Parlamentu Nasionál, joven no ema ho defisiénsia, hodi mellora prosesu demokrátiku no promove partisipasaun inkluziva husi eleitores iha eleisaun.

Projetu foun ne’e implementa husi Plan Internasonál Timor-Leste (PITL) hamutuk ho parseiru Organizasaun Sosiedade Sivil/Organizasaun Sosiedade Sivil sira hanesan; ADTL, Belun, JPIC, MOFFE, Patria, no Caucus, hodi promove partisipasaun inkluzivu husi feto, joven no ema ho defisiénsia iha prosesu eleisaun.

Entertanto Projetu ne’e Finansia husi Uniaun Europeia ho durasaun tinan rua, no sei implementa iha munisípiu 14 iha Timor-Leste, ho osan montante Dollar Amerikanu rihun Atus neen.

Jornalista: Asensio
Editór Textu: Amito Qonusere Araújo

banner 325x300

relavante