banner 728x90

Uma Ho Medida 3×3 Sai Mahon, Inan-Feton Anita:‘’Dalaruma Ami Kesi-Kabun To’o Loron Rua’’.

banner 120x600
42 Views

G-RTV News (11/04/2021): Inan-feton Anita dos Santos (50) obriga tenke hela ho uma medida 3×3 metru kuadru hamutuk ho nia oan nain haat.

“Uma hahu dodok dadaun, didin sira ne’e ha’u taka de’it ho nú-tahan, dala ruma iha tempu kalan udan akompanha  ho anin, kalen sira ne’e anin hú sai hotu, ha’u ho ha’u nia oan sira tenke hader to’o loron” dehan Anita da Silva ba Kontributór G-RTV.Com, iha Suku Pairara, Aldeia, Ira-chau, Postu-Administrativu Lautém, Munisipiu Lautém.

banner 325x300

Nia haktuir, dala ruma hahan laiha, tenke kesi kabun loron rua nia laran, situasaun ne’e obriga inan-feton ne’e ba hamoos ema nia batar du’ut hafoin hetan foos lata rua ka tolu hodi sustenta família.

“Ha’u nia oan na’in haat, dala ruma ami hahan kalan nian laiha ami toba de’it hanesan to’o loron rua, ha’u buka maneiras oi-oin ba hamos ema nia batar du’ut mak foin ema fó foos lata rua ka tolu hanesan ne’e”.

Bainhira Jornalista Kontributór, halo konfirmasaun ba parte autoridade lokál konabá problema ne’e, maibé autoridade deklara nia parte seidauk hato’o ba iha parte kompetente liu-liu MSSI tamba identidade komunidade ne’e rasik seidauk klareza.

“Ha’u seidauk hato’o problema ne’e ba iha parte relevante sira tamba nia identidade suku ne’e seidauk fiksu, nia husi suku Baduru mak foin mai hela iha ne’e, tamba ne’e dokumentus konabá ninian,  ha’u seidauk relata ba parte kompetente sira”

 

Jornalista Kontributór : Rach.

Editór : Arménio.

 

relavante